Proverbios 19:1 - Li Santil hu

¹ Kꞌaxal us li cua̱nc saꞌ ti̱quilal usta nebaꞌako chiru nak incꞌaꞌ takatau kanaꞌleb ut ta̱cuulak chiku ticꞌtiꞌic.

Q'eqchi Bible

¹ Jwal us li neb'a' ut tiik xch'ool chiru li maak'a' xna'leb' ut laj b'alaq'.

Proverbios 19:1 ပူးပေါင်းရင်းမြစ်များ

Proverbios 28:6

Kꞌaxal us li cua̱nc saꞌ ti̱quilal, usta nebaꞌo, chiru nak cua̱nk kabiomal ut incꞌaꞌ usak kanaꞌleb.

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

Proverbios 16:8

Kꞌaxal us nak cua̱nk cꞌaꞌru a̱cue saꞌ ti̱quilal, usta caꞌchꞌin ajcuiꞌ, chiru nak cua̱nk nabal cꞌaꞌru a̱cue riqꞌuin balakꞌic.

Proverbios 19:22

Cuan xsahil xchꞌo̱leb li nequeꞌuxta̱nan u. Joꞌcan nak kꞌaxal us li nebaꞌil chiru li balakꞌic.

Proverbios 20:7

Us xak reheb li alal cꞌajolbej li xeꞌcuan xnaꞌ xyucuaꞌ saꞌ ti̱quilal ut saꞌ cha̱bilal.

Proverbios 15:16

Kꞌaxal us xxucuanquil ru li Dios, usta nebaꞌo, chiru nak cua̱nk kabiomal ut cua̱nk karaylal.

Proverbios 14:2

Li ani ti̱c xyuꞌam naxxucua ru li Ka̱cuaꞌ. Ut eb li incꞌaꞌ ti̱queb xchꞌo̱l nequeꞌxtzꞌekta̱na li Ka̱cuaꞌ.

Isaías 59:3

Xetzꞌajni le̱ rukꞌ riqꞌuin xcamsinquil le̱ ras e̱ri̱tzꞌin ut xemux e̱rib xban li ma̱usilal xeba̱nu. Junes ticꞌtiꞌic nequeba̱nu ut junes yibru aj a̱tin nequeye.

Salmos 37:26

Li Ka̱cuaꞌ junelic na-uxta̱nan u ut junelic natenkꞌan. Ut li ralal xcꞌajol osobtesinbileb xban.

Proverbios 12:26

Li ani ti̱c xchꞌo̱l naxtenkꞌa li ras ri̱tzꞌin chixtaubal li us. Abanan eb li incꞌaꞌ useb xnaꞌleb nequeꞌxqꞌue li ras ri̱tzꞌin chi tꞌanecꞌ.

Salmos 26:11

Abanan la̱in junelic cua̱nkin saꞌ xya̱lal cha̱cuu. Chacuuxta̱na cuu ut china̱col.

1 Samuel 25:25

Nintzꞌa̱ma cha̱cuu nak incꞌaꞌ ta̱qꞌue saꞌ a̱chꞌo̱l li cꞌaꞌru xye a̱cue li cui̱nk aꞌan, li incꞌaꞌ us xnaꞌleb. Joꞌcan nak aj Nabal queꞌxqꞌue chokꞌ xcꞌabaꞌ xban nak ma̱cꞌaꞌ xnaꞌleb. La̱in laj cꞌanjel cha̱cuu, incꞌaꞌ xcuileb ru li sa̱j cui̱nk li xataklaheb kiqꞌuin.

1 Samuel 25:17

Ba̱nu usilal, cꞌoxla rix chi us cꞌaꞌru ta̱ba̱nu. Relic chi ya̱l ta̱cha̱lk raylal saꞌ xbe̱n li kapatrón ut saꞌ xbe̱n ajcuiꞌ chixjunileb lix jun cablal. Xban nak kꞌaxal joskꞌ, ma̱ ani naru naa̱tinac riqꞌuin, chan.

Proverbios 4:24

Moco yalak chakꞌ ta re ru tex-a̱tinak. Ut incꞌaꞌ texyoꞌoba̱nk ticꞌtiꞌ.