Proverbios 18:6 - Li Santil hu

⁶ Li ma̱cꞌaꞌ xnaꞌleb naxchꞌic rib saꞌ raylal riqꞌuin li cꞌaꞌru naxye. Ut riqꞌuin li a̱tin li naxye naxtzꞌa̱ma xlob.

Q'eqchi Bible

⁶ Li maak'a' xna'leb' naxch'ik rib' sa' raaxiik', ut rik'in li raatin naxsik' xlob'.

Proverbios 18:6 ပူးပေါင်းရင်းမြစ်များ

Proverbios 27:3

Li pec ut li samaib kꞌaxal chꞌaꞌaj xcuybal li ra̱lal. Abanan kꞌaxal cuiꞌchic chꞌaꞌaj xcuybal lix joskꞌil li ma̱cꞌaꞌ xnaꞌleb.

Proverbios 29:9

Cui li ani cuan xnaꞌleb naxcꞌam saꞌ rakleb a̱tin junak li ma̱cꞌaꞌ xnaꞌleb, li ani ma̱cꞌaꞌ xnaꞌleb junes hoboc naxba̱nu. Ma̱cꞌaꞌ naru xyi̱banquil ru riqꞌuin.

Proverbios 25:24

Kꞌaxal us li cua̱nc saꞌ junak cab nebaꞌ chiru li cua̱nc saꞌ junak xnimal ru cab riqꞌuin junak ixakilbej junes pletic naxba̱nu.

Proverbios 20:3

Li ani incꞌaꞌ napletic, aꞌan jun lokꞌal chokꞌ re. Abanan li ani ma̱cꞌaꞌ xnaꞌleb, junes ticoc ple̱t naxba̱nu.

Proverbios 19:29

Ac cauresinbil chak li rakba a̱tin chokꞌ reheb li nequeꞌhoboc. Ut ac cauresinbil ajcuiꞌ li tzꞌu̱m chokꞌ reheb li incꞌaꞌ nequeꞌraj xtaubal xnaꞌleb.

Proverbios 19:19

Li ani kꞌaxal cuiꞌchic najoskꞌoꞌ, tento tixcꞌul li raylal naxbok saꞌ xbe̱n. Incꞌaꞌ us xcolbal rix xban nak cui ta̱col rix, ta̱cꞌa̱yk xba̱nunquil.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Proverbios 14:16

Li ani cuan xnaꞌleb naxucuac. Joꞌcan nak incꞌaꞌ naxba̱nu li ma̱usilal. Abanan li ma̱cꞌaꞌ xnaꞌleb nabal li ma̱usilal naxba̱nu ut incꞌaꞌ naxucuac.

Proverbios 14:3

Li ani ma̱cꞌaꞌ xnaꞌleb naxbok raylal saꞌ xbe̱n xban nak naxnimobresi rib riqꞌuin li cꞌaꞌru naxye. Abanan li cuan xnaꞌleb naxcol rix lix yuꞌam xban nak naxcꞌoxla chi us li cꞌaꞌru naxye.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Proverbios 12:16

Li ani ma̱cꞌaꞌ xnaꞌleb saꞌ junpa̱t najoskꞌoꞌ. Abanan li ani cuan xnaꞌleb ma̱cꞌaꞌ naraj re usta nahobeꞌ.

Proverbios 22:10

Isihomakeb saꞌ e̱ya̱nk li nequeꞌhoboc. Chi joꞌcan ma̱cꞌaꞌak chic pletic ut hoboc saꞌ e̱ya̱nk.