Proverbios 18:5 - Li Santil hu

⁵ Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

Q'eqchi Bible

⁵ Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Proverbios 18:5 ပူးပေါင်းရင်းမြစ်များ

Levítico 19:15

Nak texrakok a̱tin, cheba̱nu saꞌ xya̱lal. Me̱col rix li nebaꞌ, chi moco checol rix li biom. Saꞌ xya̱lal ban texrakok a̱tin saꞌ xbe̱neb chixjunileb.

Proverbios 28:21

Incꞌaꞌ us nak takasicꞌ ru ani takara. Abanan cuanqueb ajcuiꞌ li nequeꞌxsicꞌ ru ani nequeꞌxra yal xban xcꞌulbal xtumineb.

Deuteronomio 16:19

Laj rakol a̱tin li te̱xakab incꞌaꞌ teꞌrisi xcuanquil li ti̱quilal ut incꞌaꞌ teꞌxsicꞌ ru li ani teꞌxba̱nu usilal re. Incꞌaꞌ cheꞌtumina̱k ruheb xban nak li ani naxcꞌul xtumin incꞌaꞌ chic naxtau xya̱lal ut incꞌaꞌ narakoc a̱tin saꞌ ti̱quilal.

Salmos 82:2

Ut quixye reheb: —¿Joꞌ najtil chic texrakok a̱tin chi joꞌ nequeraj la̱ex? ¿Ma toj yo̱kex chixtenkꞌanquileb li incꞌaꞌ useb xnaꞌleb?

Proverbios 24:23

Joꞌcan ajcuiꞌ eb li a̱tin aꞌin yebil xbaneb li cuanqueb xnaꞌleb. Incꞌaꞌ us nak laj rakol a̱tin tixsicꞌ ru ani tixcol rix saꞌ li rakleb a̱tin.

Proverbios 17:15

Incꞌaꞌ us xyebal nak ma̱cꞌaꞌeb xma̱c li nequeꞌxba̱nu li incꞌaꞌ us. Ut incꞌaꞌ ajcuiꞌ us nak teꞌxye nak cuanqueb xma̱c li ma̱cꞌaꞌeb xma̱c. Li cuib chi naꞌleb aꞌin xicꞌ naril li Ka̱cuaꞌ.

San Mateo 22:16

Queꞌxtaklaheb lix tzolom rochbeneb li nequeꞌoquen chirix laj Herodes re nak teꞌa̱tinak riqꞌuin li Jesús yal re xsicꞌbal cꞌaꞌru ta̱paltok cuiꞌ riqꞌuin li ra̱tin. Ut queꞌxye re: —At tzolonel, nakanau nak nacara li ya̱l. Ut saꞌ xya̱lal nacacꞌut chiruheb li tenamit cꞌaꞌru naraj li Dios ut ma̱ ani nacaxucua ru ut incꞌaꞌ nacasiqꞌueb ru li ani nacara.

Isaías 5:23

Nequecol rix li cuanqueb xma̱c xban nak nequeꞌxtumina e̱ru, ut aꞌ chic li ti̱queb xchꞌo̱l nequeye nak cuanqueb xma̱c.

Li xHu LAJ JOB 34:19

Li Dios incꞌaꞌ naxsicꞌ ruheb li ani tixra. Juntakꞌe̱t ban narileb li rey ut eb li biom joꞌ ajcuiꞌ eb li nebaꞌ. ¿Ma ma̱cuaꞌ ta biꞌ aꞌan li quiyoꞌobtesin reheb chixjunileb?

Miqueas 7:3

Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Isaías 59:14

Incꞌaꞌ chic narakeꞌ a̱tin saꞌ xya̱lal. Nakatzꞌekta̱na li ti̱quilal. Chi moco saꞌ eb li naꞌajej li nequeꞌrakoc cuiꞌ a̱tin naru nequeꞌxba̱nu saꞌ ti̱quilal. Ma̱cꞌaꞌ chic nequeꞌxba̱nu saꞌ xya̱lal.

Éxodo 23:2

Usta chixjunileb li tenamit yo̱keb xba̱nunquil li ma̱usilal, abanan me̱ba̱nu e̱re la̱ex. Nak texbokekꞌ chiru laj rakol a̱tin, me̱ye ticꞌtiꞌ usta lix qꞌuial li cuanqueb aran teꞌticꞌtiꞌik. Cheba̱nu ban saꞌ ti̱quilal.

Éxodo 23:6

Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Proverbios 17:26

Relic chi ya̱l nak incꞌaꞌ us nak teꞌxye nak cuan xma̱c li ma̱cꞌaꞌ xma̱c. Ut incꞌaꞌ ajcuiꞌ us nak teꞌxqꞌue saꞌ raylal li nequeꞌtaklan saꞌ xya̱lal.

Proverbios 31:5

Cui yo̱keb chi cala̱c ma̱re anchal ta̱sachk saꞌ xchꞌo̱leb li naxye saꞌ li chakꞌrab ut incꞌaꞌ chic teꞌrakok a̱tin saꞌ xya̱lal saꞌ xbe̱neb li rahobtesinbileb.

Miqueas 3:9

Abihomak li oc cue xyebal e̱re la̱ex li nequexcꞌamoc be chiruheb laj Israel li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb. La̱ex xicꞌ nequeril li ti̱quilal ut nequesukꞌisi li us chokꞌ ma̱usilal.

Éxodo 23:3

Chi moco junak nebaꞌ checol rix cui incꞌaꞌ us li yo̱ chixba̱nunquil.