Proverbios 18:24 - Li Santil hu

²⁴ Cuan amigo incꞌaꞌ chꞌaꞌaj nak nequeꞌxyoꞌob junak chꞌaꞌajquilal. Abanan cuan li tzꞌakal amigo kꞌaxal cuiꞌchic cha̱bil chiru junak asbej.

Q'eqchi Bible

²⁴ Wankeb' amiiw nokoohe'xk'am sa' raaxiik'; ab'an wankeb' li q'axal nokoohe'xra ut jwal paab'ajeleb' chiru junaq asb'ej.

Proverbios 18:24 ပူးပေါင်းရင်းမြစ်များ

Proverbios 17:17

Li cha̱bil amigo junelic narahoc, ut tixcꞌojob a̱chꞌo̱l nak yo̱kat chi cꞌuluc raylal joꞌ junak tzꞌakal asbej.

Proverbios 27:9

Li sununquil ban naxqꞌue sahil chꞌo̱lej. Ut naxqꞌue ajcuiꞌ xsahil xchꞌo̱l li cha̱bil naꞌleb li nequeꞌxqꞌue li amigos.

2 Samuel 1:26

At Jonatán, la̱at chanchanat li cuas. Cꞌajoꞌ xrahil inchꞌo̱l xban nak kꞌaxal raro̱cat inban. Kꞌaxal lokꞌ chokꞌ cue nak xina̱ra. Kꞌaxal lokꞌ nak xinraheꞌ a̱ban chiru nak xinraheꞌ xbaneb li ixk.

2 Samuel 21:7

Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.

2 Samuel 16:17

Laj Absalón quixye re laj Husai: —¿Ma ma̱cuaꞌ ta biꞌ la̱at li tzꞌakal rami̱g laj David? Cui la̱at li tzꞌakal rami̱g, ¿cꞌaꞌut nak incꞌaꞌ xco̱at chirix? chan.

Proverbios 27:10

Ma̱tzꞌekta̱naheb la̱ cuami̱g chi moco ta̱tzꞌekta̱naheb li rami̱g la̱ yucuaꞌ. Chi moco tatxic saꞌ rochoch la̱ cuas chixyebal li chꞌaꞌajquilal li cuancat cuiꞌ. Kꞌaxal us nak tatxtenkꞌa la̱ cuechcabal li nachꞌ cuan chiru nak tatxtenkꞌa la̱ cuas li najt cuan.

1 Samuel 18:1

Nak quirakeꞌ chi a̱tinac laj David riqꞌuin laj Saúl, laj Jonatán quixcꞌam rib saꞌ amiguil riqꞌuin laj David ut cꞌajoꞌ nak quixra.

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

2 Samuel 15:21

Abanan laj Itai quixye re laj David: —At rey, saꞌ xcꞌabaꞌ li Ka̱cuaꞌ, ut saꞌ a̱cꞌabaꞌ ajcuiꞌ la̱at, la̱in ninye a̱cue nak tinxic cha̱cuix yalak bar, usta yoꞌyo̱kin malaj ut tincamsi̱k, chan.