Proverbios 18:22 - Li Santil hu

²² Li ani naxtau rixakil naxtau li us. Ut naxtau ajcuiꞌ rusilal li Dios.

Q'eqchi Bible

²² Li xtaw rixaqil, xtaw li sahilal; ut xtaw ajwi' li rusilal li Yos.

Proverbios 18:22 ပူးပေါင်းရင်းမြစ်များ

Proverbios 19:14

Riqꞌuineb li naꞌbej yucuaꞌbej naru nakacꞌul kajun cablal ut kabiomal. Abanan junak li cha̱bil ixakilbej, caꞌaj cuiꞌ li Dios naru naqꞌuehoc re.

Proverbios 12:4

Junak li be̱lomej naqꞌueheꞌ xlokꞌal xban nak cha̱bil xnaꞌleb li rixakil. Abanan li ixakilbej li incꞌaꞌ us xnaꞌleb naxsach xcuanquil lix be̱lom.

Eclesiastés 9:9

Chanumsi la̱ yuꞌam chi sa saꞌ a̱chꞌo̱l riqꞌuin li ixk li nacara. Chanumsihak chi us la̱ yuꞌam li ma̱cꞌaꞌ na-oc cuiꞌ li quiqꞌueheꞌ a̱cue saꞌ ruchichꞌochꞌ, xban nak caꞌaj cuiꞌ aꞌan li naru ta̱ba̱nu re xyalbal xsahil la̱ cꞌanjel.

1 Corintios 7:2

Abanan us cui ta̱sumla̱k re nak incꞌaꞌ ta̱ma̱cobk. Teꞌsumla̱k re nak li cui̱nk teꞌcua̱nk rixakil chi xju̱nkaleb ut li ixk teꞌcua̱nk xbe̱lom chi xju̱nkaleb.

Génesis 2:18

Li Ka̱cuaꞌ Dios quixye nak incꞌaꞌ us ta̱cua̱nk li cui̱nk xjunes. —Tinqꞌue junak rochben re ta̱tenkꞌa̱nk re, chan.

Oseas 12:12

Laj Jacob le̱ xeꞌto̱nil yucuaꞌ quie̱lelic ut co̱ saꞌ lix chꞌochꞌeb laj Aram. Aran quitrabajic re nak ta̱qꞌuehekꞌ li rixakil. Xban nak rixakil quiraj, quicꞌanjelac chokꞌ aj ilol xul.

Proverbios 8:35

Li ani nasicꞌoc re li cha̱bil naꞌleb naxtau li junelic yuꞌam. Ut li ani nasicꞌoc re naxtau li rusilal li Ka̱cuaꞌ.

Proverbios 3:4

Cui te̱ba̱nu aꞌin, sahak xchꞌo̱l li Dios e̱riqꞌuin ut cha̱bilak e̱resilal chiruheb li cristian.

Génesis 24:67

Ut laj Isaac quixcꞌam lix Rebeca chokꞌ rixakil saꞌ rochoch lix naꞌ camenak. Laj Isaac cꞌajoꞌ nak quixra lix Rebeca. Ut riqꞌuin aꞌan quicꞌojla xchꞌo̱l ut incꞌaꞌ chic quirahoꞌ xchꞌo̱l xban xcamic lix naꞌ.

Génesis 29:28

Quixcꞌul xchꞌo̱l laj Jacob li cꞌaꞌru quiyeheꞌ re xban laj Labán. Nak quinumeꞌ li jun xama̱n lix sumlajic laj Jacob riqꞌuin lix Lea, laj Labán quixkꞌaxtesi lix Raquel re laj Jacob. Ut laj Jacob quisumla riqꞌuin.

Li xHu LIX RUT 4:10

Ut xban nak tinlokꞌ li chꞌochꞌ, tinsumla̱k ajcuiꞌ riqꞌuin lix Rut laj Moab li quicuan chokꞌ rixakil laj Mahlón re nak ta̱cua̱nk ralal xcꞌajol saꞌ xcꞌabaꞌ li camenak. Ut lix cꞌabaꞌeb li camenak incꞌaꞌ ta̱sachk saꞌ xchꞌo̱leb lix comon chi moco ta̱sachk saꞌ xchꞌo̱leb li cuanqueb saꞌ li tenamit aꞌin. La̱ex xerabi ut xeril li xkaba̱nu anakcuan, chan laj Booz.