Proverbios 18:19 - Li Santil hu

¹⁹ Junak asbej ta̱hobekꞌ, aꞌan li kꞌaxal cuiꞌchic ta̱joskꞌokꞌ. Ta̱cacuu̱k xchꞌo̱l joꞌ junak li tenamit cau rib. Ma̱ ani ta̱ru̱k ta̱tenkꞌa̱nk re xban nak kꞌaxal cau lix chꞌo̱l joꞌ li chꞌi̱chꞌ li natzꞌapoc re li puerta.

Q'eqchi Bible

¹⁹ Moko ch'a'aj ta xjuk'b'al junaq suttz'ak chiru xk'ojob'ankil xch'ool junaq amiiw li xhob'e'k ut ra xk'ul. Li wech'ij ib' naxram li aatin kama' wi' xnat'b'al rix li okeb'aal.

Proverbios 18:19 ပူးပေါင်းရင်းမြစ်များ

Proverbios 16:32

Kꞌaxal us nak cua̱nk a̱cuyum chiru nak cauhak a̱cuib. Ut kꞌaxal us nak ta̱nau xcuybal a̱cuib chiru nak ta̱cue̱chani junak tenamit.

Hechos 15:39

Queꞌxcuechꞌi ribeb laj Pablo ut laj Bernabé ut queꞌxcanab ribeb. Laj Bernabé co̱ aran Chipre chiru haꞌ ut quixcꞌam laj Juan Marcos chirix.

Proverbios 6:19

li ani nakꞌaban ut li ani nayoꞌoban pletic saꞌ xya̱nkeb li ras ri̱tzꞌin.

1 Reyes 12:16

Eb li tenamit queꞌril nak incꞌaꞌ quirabi li rey li queꞌxtzꞌa̱ma chiru. Eb aꞌan queꞌxye re: —¿Cꞌaꞌru takara la̱o riqꞌuineb li ralal xcꞌajol laj David? La̱o ma̱cꞌaꞌ junak cꞌaꞌak re ru teꞌxqꞌue ke. Joꞌcan nak la̱o takil kib kajunes. Ut la̱at taklan saꞌ xbe̱neb li ralal xcꞌajol laj David, chanqueb. Ut eb aꞌan queꞌsukꞌi saꞌ lix naꞌajeb.

2 Samuel 13:28

Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

2 Samuel 13:22

Laj Absalón xicꞌ chic quiril laj Amnón xban nak quixchap chi pue̱rs lix Tamar, li ranab. Abanan chi ti̱c ma̱cꞌaꞌ quixye re.

Génesis 37:11

Eb li ras cꞌajoꞌ nak nequeꞌxcakali riqꞌuin li cꞌaꞌak re ru aꞌin. Ut lix yucuaꞌ qui-oc chi cꞌoxlac chirix li quixmatqꞌue.

2 Crónicas 13:17

Eb laj Judá queꞌnumta saꞌ xbe̱neb laj Israel ut queꞌxcamsiheb o̱b ciento mil (500,000) li soldado li sicꞌbileb ru.

1 Samuel 17:28

Laj Eliab li asbej quirabi li yo̱ chixyebal laj David ut quijoskꞌoꞌ riqꞌuin. Quixye re: —¿Cꞌaꞌut nak xatchal arin? ¿Ani yo̱ chi iloc reheb li cuib oxibeb li carner li nacacꞌacꞌale saꞌ li chaki chꞌochꞌ? Ninnau nak la̱at kꞌetkꞌetat ut incꞌaꞌ us nacacꞌoxla. ¿Ma caꞌaj cuiꞌ rilbal li pletic xatchal? chan.

Proverbios 18:18

Riqꞌuin bu̱lic naru teꞌxyi̱b ru lix chꞌaꞌajquilal li yo̱queb chi pletic. Aꞌan naru tixrak li ple̱t usta cuanqueb xcuanquil li yo̱queb chi pletic.

Proverbios 18:20

Li ani ta̱a̱tinak cha̱bil, cha̱bil ajcuiꞌ tixcꞌul. Li ani incꞌaꞌ us ta̱a̱tinak, incꞌaꞌ ajcuiꞌ us li cꞌaꞌru tixcꞌul.