Proverbios 18:14 - Li Santil hu

¹⁴ Li ani yaj tixcacuubresi xchꞌo̱l. Aꞌan ta̱tenkꞌa̱nk re chi cacuu̱c. Abanan junak li yaj incꞌaꞌ cau xchꞌo̱l, ¿ani ta̱ru̱k ta̱tenkꞌa̱nk re chi cacuu̱c?

Q'eqchi Bible

¹⁴ Li xkawilal qach'ool, nokooxwaklesi sa' li yajel; ab'an wi ra li qach'ool, ani taawaklesinq qe?

Proverbios 18:14 ပူးပေါင်းရင်းမြစ်များ

Proverbios 15:13

Li sa saꞌ xchꞌo̱l seꞌse na-iloc. Li ani ra saꞌ xchꞌo̱l saꞌ xnakꞌ ru nacꞌutun nak ra saꞌ xchꞌo̱l.

Proverbios 17:22

Junak cristian sa saꞌ xchꞌo̱l, aꞌan naxqꞌue sahil chꞌo̱lej joꞌ li cha̱bil ban. Abanan junak cristian ra saꞌ xchꞌo̱l, aꞌan naxqꞌue xrahil xchꞌo̱l li ras ri̱tzꞌin joꞌ junak yajel.

1 Pedro 1:6

Usta te̱cꞌul nabal pa̱y ru li raylal re xyalbal rix le̱ pa̱ba̱l saꞌ ruchichꞌochꞌ aꞌin, chisahokꞌ saꞌ le̱ chꞌo̱l xban nak ac colbilex chic.

Santiago 1:2

Ex inherma̱n, chisahokꞌ taxak saꞌ e̱chꞌo̱l riqꞌuin li raylal nequecꞌul. Yalak cꞌaꞌru li raylal nachal saꞌ e̱be̱n, aꞌan yal re xyalbal rix le̱ pa̱ba̱l.

Salmos 147:3

Junelic naxtenkꞌaheb li teꞌyotꞌekꞌ xchꞌo̱l ut narisi lix raylaleb.

2 Corintios 2:7

Us cui te̱cuy xma̱c anakcuan ut te̱cꞌojob xchꞌo̱l xban nak naru nachꞌinan cuiꞌchic xchꞌo̱l.

Salmos 109:22

Kꞌaxal ra cuanquin ut tenkꞌa̱c tincuaj. Yo̱ chi yotꞌecꞌ inchꞌo̱l ut incꞌaꞌ chic nincuy nak nacuecꞌa.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Salmos 55:5

Ma̱ caꞌchꞌin nak ninxucuac xbaneb ut ninsicsot xban inxiu. Osocꞌ cue nak nacuecꞌa.

Salmos 55:3

Ninsicsot xban inxiu nak nacuabi li cꞌaꞌru nequeꞌxye chicuix li xicꞌ nequeꞌiloc cue. Saꞌ inbe̱n yo̱queb xqꞌuebal li ma̱c li incꞌaꞌ useb xnaꞌleb. Cꞌajoꞌ xrahil inchꞌo̱l nequeꞌxqꞌue xban nak yo̱queb xjoskꞌil saꞌ inbe̱n.

Li xHu LAJ JOB 6:4

Chanchan nak li Dios yo̱ chincutbal riqꞌuin lix tzimaj nak yo̱quin chixcꞌulbal li raylal aꞌin. Ut chanchan nak lix may li tzimaj xjeqꞌui rib saꞌ intibel. Li Dios yo̱ chixqꞌuebal inxiu nak yo̱ chixqꞌuebal li raylal aꞌin saꞌ inbe̱n.

Éxodo 6:9

Laj Moisés quia̱tinac riqꞌuineb laj Israel joꞌ quiyeheꞌ re xban li Dios. Ut eb aꞌan incꞌaꞌ queꞌrabi li ra̱tin xban nak ac xeꞌchꞌinan xchꞌo̱leb ut tacuajenakeb xban lix cacuil trabaj.