Proverbios 18:12 - Li Santil hu

¹² Li ani naxnimobresi rib xjunes naxsach rib. Ut li ani naxcubsi rib naqꞌueheꞌ xlokꞌal.

Q'eqchi Bible

¹² Li q'etq'etil, kamk nokoxraqe'q wi'; ab'an li xtiklajik li loq'al, a'an li tuulanil.

Proverbios 18:12 ပူးပေါင်းရင်းမြစ်များ

Proverbios 15:33

Li ani naxxucua ru li Ka̱cuaꞌ naxtau xnaꞌleb. Ut li ani ta̱raj ta̱qꞌuehekꞌ xlokꞌal tento tixcubsi rib.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Proverbios 11:2

Li ani naxnimobresi rib ta̱cꞌutekꞌ xxuta̱n. Abanan li ani naxcubsi rib, aꞌan cuan xnaꞌleb.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

Proverbios 29:23

Li ani naxnimobresi rib nacubsi̱c xcuanquil xban xkꞌetkꞌetil. Abanan li naxcubsi rib naqꞌueheꞌ xlokꞌal.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Ezequiel 28:9

Nak teꞌcha̱lk cha̱camsinquil, ¿ma toj ta̱ye ta biꞌ nak la̱at dios? La̱at moco diosat ta. Yal cui̱nkat saꞌ rukꞌeb li teꞌcamsi̱nk a̱cue.

Daniel 9:23

Chalen nak xatiquib tzꞌa̱ma̱nc chiru li Dios, aꞌan xrabi la̱ tij ut tixba̱nu li cꞌaꞌru xatzꞌa̱ma. Joꞌcan nak xinixtakla chak a̱cuiqꞌuin chixyebal a̱cue lix ya̱lal. La̱at raro̱cat xban li Dios. Chacuabi li tinye a̱cue re nak ta̱tau ru lix ya̱lal li quicꞌutbesi̱c cha̱cuu xban li Ka̱cuaꞌ.

Daniel 9:20

Toj yo̱quin ajcuiꞌ chi tijoc chiru li Dios ut yo̱quin chixxo̱tonquil lin ma̱c chiru joꞌ ajcuiꞌ lix ma̱queb lin tenamit Israel. Chi anchal inchꞌo̱l yo̱quin chixtzꞌa̱manquil chiru li Ka̱cuaꞌ nak tixxakab cuiꞌchic lix santil templo.

Ezequiel 29:9

La̱in tinsukꞌisi li naꞌajej Egipto chokꞌ chaki chꞌochꞌ. Ma̱cꞌaꞌ chic cua̱nk chi saꞌ. Ut eb li tenamit teꞌxqꞌue retal nak la̱in li Ka̱cuaꞌ li nimajcual Dios. La̱at caye, “Li nimaꞌ Nilo cue la̱in. La̱in quinyi̱ban re,” chancat.

1 Reyes 3:7

At Ka̱cuaꞌ, at inDios, la̱at catxakaban cue chokꞌ rey chokꞌ re̱kaj laj David lin yucuaꞌ. Abanan la̱in toj sa̱jin. Toj ma̱cꞌaꞌ innaꞌleb re tincꞌanjelak chokꞌ rey.