Proverbios 18:1 - Li Santil hu

¹ Li ani naxsicꞌ li us chokꞌ re xjunes rib, incꞌaꞌ naxcꞌu̱luban li cha̱bil naꞌleb naqꞌueheꞌ re.

Q'eqchi Bible

¹ Li naxsik' li us cho'q re xjunes rib' naxjek' rib' rik'ineb' li ras riitz'in ut xik' naril li chaab'il na'leb' nak'eemank re.

Proverbios 18:1 ပူးပေါင်းရင်းမြစ်များ

Proverbios 20:3

Li ani incꞌaꞌ napletic, aꞌan jun lokꞌal chokꞌ re. Abanan li ani ma̱cꞌaꞌ xnaꞌleb, junes ticoc ple̱t naxba̱nu.

Jeremías 15:17

La̱in incꞌaꞌ nacuochbeniheb li nequeꞌhoboc, chi moco nasahoꞌ inchꞌo̱l riqꞌuineb. Chalen nak casicꞌ cuu chokꞌ a̱profeta, la̱in junelic injunes nincuan ut ninjoskꞌoꞌ chirilbal li incꞌaꞌ us.

Proverbios 24:21

Ex cualal incꞌajol, chexucua ru li Ka̱cuaꞌ ut chexucua ajcuiꞌ ru li rey. Me̱cꞌam e̱rib riqꞌuineb li xicꞌ nequeꞌiloc reheb.

San Judas 1:19

Eb li cui̱nk aꞌin, aꞌaneb li nequeꞌyoꞌoban jachoc ib. Nequeꞌxrahi ru lix ma̱usilal li ruchichꞌochꞌ ut li Santil Musikꞌej ma̱cꞌaꞌ riqꞌuineb.

San Marcos 1:35

Cuulajak chic nak toj ma̱jiꞌ na-iqꞌueꞌ li cutan, li Jesús quicuacli ut qui-el saꞌ li tenamit. Ut co̱ xjunes chi tijoc saꞌ jun li naꞌajej bar ma̱cꞌaꞌ cuiꞌ cristian.

Proverbios 14:10

Li junju̱nk naxnau li rahil chꞌo̱lej li cuan saꞌ xchꞌo̱l. Ut ma̱ ani ta̱tzꞌako̱nk riqꞌuin xsahil xchꞌo̱l li ani sa saꞌ xchꞌo̱l.

San Mateo 13:44

Lix nimajcual cuanquilal li choxa, aꞌan chanchan li tumin mukbil saꞌ chꞌochꞌ. Quitauman xban jun li cui̱nk. Ut li cui̱nk aꞌan quixmuk cuiꞌchic xcaꞌ sut li tumin. Kꞌaxal quisahoꞌ saꞌ xchꞌo̱l nak coxcꞌayi chixjunil li cꞌaꞌru cuan re ut quixlokꞌ li chꞌochꞌ li mukmu cuiꞌ li tumin.

Proverbios 26:17

Li ani naxchꞌic rib chi pletic saꞌ xya̱nkeb li yo̱queb chi pletic, aꞌan chanchan yo̱ chixchapbal lix xic junak tzꞌiꞌ.

Éxodo 33:16

Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.

Proverbios 20:19

Li ani nacuulac chiru moloc a̱tin naxye resil li cꞌaꞌru cuan chi mukmu. Joꞌcan nak me̱junaji e̱rib riqꞌuineb li nequeꞌcuulac chiru jaloc a̱tin.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

San Marcos 4:11

Ut li Jesús quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual xcuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

2 Corintios 6:17

Ut li Ka̱cuaꞌ quixye cuiꞌchic chi joꞌcaꞌin: Joꞌcan utan chex-e̱lk saꞌ xya̱nkeb li nequeꞌxlokꞌoni li yi̱banbil dios. Me̱ba̱nu chic li nequeꞌxba̱nu li jun chꞌol chic nak nequeꞌxlokꞌoni li yi̱banbil dios. Checanabak chi junaj cua ut la̱in texincꞌul chi sa saꞌ inchꞌo̱l.

Zacarías 7:3

Ut queꞌxye reheb li profeta ut reheb ajcuiꞌ laj tij li nequeꞌcꞌanjelac saꞌ lix templo li nimajcual Dios: —¿Ma toj yo̱ko chi ya̱bac ut xba̱nunquil ka-ayu̱n joꞌ cꞌaynako xba̱nunquil saꞌ roꞌ li po rajlal chihab? chanqueb.

Proverbios 3:21

Ex cualal incꞌajol, me̱canab xba̱nunquil li cha̱bil naꞌleb. Junelic ban cua̱nk saꞌ e̱chꞌo̱l li us.

Proverbios 8:14

La̱in ninnau cꞌoxlac chi us. La̱in ninqꞌuehoc naꞌleb ut la̱in ninxakaban reheb saꞌ xcuanquil. Ut la̱in ajcuiꞌ ninqꞌuehoc se̱bal chꞌo̱lej.

Deuteronomio 14:6

Naru te̱tzaca xtibel li xul li jun ajcuiꞌ lix xa̱la rok ut cuib rixiꞌij, li nequeꞌxhab xcuaheb xcaꞌ sut.