Proverbios 17:6 - Li Santil hu

⁶ Lix lokꞌaleb li ac ti̱xeb, aꞌaneb li ri. Ut lix lokꞌaleb li alalbej cꞌajolbej, aꞌaneb lix naꞌ xyucuaꞌeb.

Q'eqchi Bible

⁶ Li xsahil xch'ooleb' li ak tiixeb' a'aneb' li ri xmameb'; li xloq'al eb' li alal k'ajolb'ej a'aneb' li xna' xyuwa'eb'.

Proverbios 17:6 ပူးပေါင်းရင်းမြစ်များ

Proverbios 16:31

Li ani nati̱x chi us, kꞌaxal lokꞌ chokꞌ re. Nati̱x chi us xban nak cuan saꞌ ti̱quilal.

Proverbios 13:22

Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

1 Reyes 15:4

Li Ka̱cuaꞌ Dios incꞌaꞌ quirisi lix cuanquileb li ralal xcꞌajol laj David. Quixqꞌue ban jun li ralal laj Abiam chi oc chokꞌ rey chokꞌ re̱kaj re nak tixcol li tenamit Jerusalén. Quixba̱nu aꞌan xban nak naxra laj David laj cꞌanjel chiru.

1 Reyes 11:12

Abanan saꞌ xcꞌabaꞌ laj David la̱ yucuaꞌ incꞌaꞌ tinmakꞌ cha̱cuu la̱ cuanquil nak toj yoꞌyo̱kat. Tinba̱nu ban nak la̱ cualal ta̱oc saꞌ xcuanquil.

Génesis 50:23

Chiru laj José queꞌyoꞌla lix cocꞌal laj Efraín, joꞌ ajcuiꞌ lix cocꞌal laj Maquir li ralal laj Manasés. Laj Maquir, aꞌan li ri laj José. Lix cocꞌal laj Maquir chanchan ajcuiꞌ ralal laj José nak narileb.

Génesis 48:11

Laj Jacob quixye re laj José: —La̱in cuan saꞌ inchꞌo̱l nak incꞌaꞌ chic tincuil a̱cuu. Abanan li Ka̱cuaꞌ Dios xba̱nu usilal cue. Xcuil a̱cuu la̱at ut xcuil ajcuiꞌ ruheb la̱ cualal, chan laj Jacob.

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.