Proverbios 17:5 - Li Santil hu

⁵ Li ani nequeꞌhoboc reheb li nebaꞌ, aꞌ li Dios li quiyi̱ban reheb nequeꞌxhob. Ut li ani nasahoꞌ saꞌ xchꞌo̱l chirilbal li raylal nequeꞌxcꞌul, aꞌan incꞌaꞌ ta̱cana̱k chi incꞌaꞌ teꞌxtoj xma̱c.

Q'eqchi Bible

⁵ Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

Proverbios 17:5 ပူးပေါင်းရင်းမြစ်များ

Proverbios 14:31

Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

1 Juan 3:17

Jun chic ninye e̱re. Cui la̱o cuan nabal li cꞌaꞌru ke ut incꞌaꞌ nakatokꞌoba ru li nebaꞌ li ma̱cꞌaꞌ cuan re, ¿ma ya̱l ta biꞌ nak nakara li Dios chi joꞌcanan?

Proverbios 16:5

Li Ka̱cuaꞌ xicꞌ narileb li nequeꞌxkꞌetkꞌeti ribeb. Relic chi ya̱l nak incꞌaꞌ teꞌcana̱k chi incꞌaꞌ teꞌxtoj rix lix ma̱queb.

Li xHu LAJ JOB 31:29

La̱in ma̱ jun sut xsahoꞌ saꞌ inchꞌo̱l nak yo̱queb chixcꞌulbal raylal li xicꞌ nequeꞌiloc cue, chi moco xsahoꞌ saꞌ inchꞌo̱l nak cuanqueb saꞌ chꞌaꞌajquilal.

Proverbios 14:21

Li ani naxtzꞌekta̱na li ras ri̱tzꞌin nama̱cob. Us xak re li ani naril xtokꞌoba̱l ru li nebaꞌ.

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Salmos 69:9

Cꞌajoꞌ nak ninra la̱ cuochoch ut nayotꞌeꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue.

Abdías 1:16

Joꞌ nak xerecꞌa xcꞌahil li rahobtesi̱c la̱ex saꞌ lin tzu̱l Sión, joꞌcan ajcuiꞌ nak teꞌrecꞌa xcꞌahil li rahobtesi̱c chixjunileb li tenamit toj retal teꞌosokꞌ.

Ezequiel 25:3

Ta̱ye reheb cheꞌrabihak li cꞌaꞌru ninye la̱in li nimajcual Dios: La̱ex quisahoꞌ saꞌ e̱chꞌo̱l chirilbal nak queꞌxmux ru lin templo. Quisahoꞌ saꞌ e̱chꞌo̱l nak lix naꞌajeb laj Israel quicana chi ma̱cꞌaꞌ cuan chi saꞌ ut eb laj Judá queꞌcꞌameꞌ chi pre̱xil saꞌ jalan tenamit.

Abdías 1:10

La̱ex aj Edom, ralal xcꞌajolex laj Esaú, ta̱cꞌutekꞌ e̱xuta̱n ut texsachekꞌ chi junaj cua xban li ma̱usilal li queba̱nu reheb li ralal xcꞌajol laj Jacob, li ri̱tzꞌin le̱ xeꞌto̱nil yucuaꞌ.