Proverbios 17:26 - Li Santil hu

²⁶ Relic chi ya̱l nak incꞌaꞌ us nak teꞌxye nak cuan xma̱c li ma̱cꞌaꞌ xma̱c. Ut incꞌaꞌ ajcuiꞌ us nak teꞌxqꞌue saꞌ raylal li nequeꞌtaklan saꞌ xya̱lal.

Q'eqchi Bible

²⁶ Moko us ta xteneb'ankil maak sa' xb'een li maak'a' xmaak, chi moko xrahob'tesinkil li chaab'il xch'ool.

Proverbios 17:26 ပူးပေါင်းရင်းမြစ်များ

Proverbios 17:15

Incꞌaꞌ us xyebal nak ma̱cꞌaꞌeb xma̱c li nequeꞌxba̱nu li incꞌaꞌ us. Ut incꞌaꞌ ajcuiꞌ us nak teꞌxye nak cuanqueb xma̱c li ma̱cꞌaꞌeb xma̱c. Li cuib chi naꞌleb aꞌin xicꞌ naril li Ka̱cuaꞌ.

Proverbios 18:5

Incꞌaꞌ us xyebal nak ma̱cꞌaꞌeb xma̱c li incꞌaꞌ useb xnaꞌleb. Incꞌaꞌ us xqꞌuebal li ma̱c saꞌ xbe̱neb li ma̱cꞌaꞌ xma̱c.

San Juan 18:22

Nak quixye aꞌan, jun reheb li nequeꞌcꞌacꞌalen saꞌ li templo quixsacꞌ saꞌ xnakꞌ ru li Jesús ut quixye re: —¿Cꞌaꞌut nak nacasume li xyucuaꞌil aj tij chi joꞌcan? chan re.

Miqueas 5:1

Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel.

2 Samuel 3:39

Usta la̱in li rey li sicꞌbil cuu xban li Dios, abanan nacuecꞌa nak ma̱cꞌaꞌ incuanquil. Eb li cui̱nk aꞌin, lix yum lix Sarvia, kꞌaxal cauheb rib chicuu la̱in. Li Ka̱cuaꞌ chiqꞌuehok reheb chixtojbal xma̱queb joꞌ xcꞌulubeb xban li ma̱usilal queꞌxba̱nu, chan laj David.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

2 Samuel 19:7

Ayu chirix cab ut ta̱cꞌojob xchꞌo̱leb la̱ soldados xban nak cui incꞌaꞌ nacaba̱nu aꞌan, saꞌ xcꞌabaꞌ li Ka̱cuaꞌ, la̱in ninye a̱cue nak ma̱ jun chic reheb la̱ soldados teꞌoque̱nk cha̱cuix. Chiru ajcuiꞌ li kꞌojyi̱n aꞌin tateꞌxcanab a̱junes. Ut ma̱re aꞌan li kꞌaxal ra ta̱cꞌul chiruheb li raylal xacꞌul chalen saꞌ a̱sa̱jilal, chan.