Proverbios 17:21 - Li Santil hu

²¹ Junak cui̱nk cuan ralal ma̱cꞌaꞌ xnaꞌleb junelic ra saꞌ xchꞌo̱l. Ma̱cꞌaꞌ sahil chꞌo̱lej chokꞌ re junak li yucuaꞌbej cuan junak ralal incꞌaꞌ naxtau xya̱lal.

Q'eqchi Bible

²¹ Li wank ralal maak'a' xna'leb', junelik ra sa' xch'ool; li xyuwa' junaq mem maajoq'e tixtaw sahil ch'oolej.

Proverbios 17:21 ပူးပေါင်းရင်းမြစ်များ

Proverbios 10:1

Aꞌaneb aꞌin li proverbios li quixye laj Salomón: Li alalbej li cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej li incꞌaꞌ naxtau xnaꞌleb naxqꞌue xrahil xchꞌo̱l lix naꞌ xyucuaꞌ.

Proverbios 19:13

Junak li alalbej incꞌaꞌ naxtau xya̱lal, aꞌan jun rahil chꞌo̱lej chokꞌ re lix yucuaꞌ. Ut junak li ixakilbej junes chꞌila̱nc naxba̱nu, aꞌan chanchan li oques li na-oc saꞌ cab rajlal.

Proverbios 17:25

Li alalbej li incꞌaꞌ naxtau xnaꞌleb, aꞌan naxqꞌue xjoskꞌileb ut xrahil xchꞌo̱leb lix naꞌ xyucuaꞌ.

Proverbios 15:20

Li alalbej cuan xnaꞌleb naxqꞌue xsahil xchꞌo̱l lix naꞌ xyucuaꞌ. Abanan li alalbej incꞌaꞌ naxtau xnaꞌleb naxtzꞌekta̱na lix naꞌ xyucuaꞌ.

Génesis 26:34

Caꞌcꞌa̱l (40) chihab cuan re laj Esaú nak quixcꞌam lix Judit chokꞌ rixakil. Lix Judit aꞌan xrabin laj Beeri laj hitita. Ut quixcꞌam ajcuiꞌ chokꞌ rixakil lix Basemat, lix rabin laj Elón laj hitita.

3 Juan 1:4

Aꞌan aꞌin li kꞌaxal nasahoꞌ cuiꞌ inchꞌo̱l nak nacuabi resil nak eb li kaherma̱n cuanqueb saꞌ xya̱lal. Eb aꞌan chanchaneb li cualal incꞌajol xban nak queꞌpa̱ban chicuu.

2 Corintios 2:3

Joꞌcan nak xintzꞌi̱ba li hu li xintakla e̱riqꞌuin. Incꞌaꞌ xco̱in e̱riqꞌuin xban nak incꞌaꞌ xcuaj xrahoꞌ inchꞌo̱l e̱ban la̱ex li xeqꞌue raj xsahil inchꞌo̱l. Ninnau nak nasahoꞌ ajcuiꞌ e̱chꞌo̱l la̱ex cui sa saꞌ inchꞌo̱l la̱in.

2 Samuel 18:33

Cꞌajoꞌ nak quirahoꞌ xchꞌo̱l laj David. Co̱ xjunes saꞌ li naꞌajej saꞌ xbe̱n li oqueba̱l ut cꞌajoꞌ nak quiya̱bac. Nak yo̱ chi xic, quixye: —¡At Absalón, at cualal! ¡At Absalón, at cualal! Us raj nak la̱in xincam ut la̱at toj yoꞌyo̱cat. ¡At Absalón, at cualal! chan.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.