Proverbios 17:20 - Li Santil hu

²⁰ Li incꞌaꞌ useb xnaꞌleb ma̱ jokꞌe teꞌxtau li us. Ut li ani nacuulac chiru balakꞌic riqꞌuin li cꞌaꞌru naxye naxbok chꞌaꞌajquilal saꞌ xbe̱n.

Q'eqchi Bible

²⁰ Li ink'a' us xna'leb' maajoq'e tixtaw li sahilal; li ani nawulak chiru tik'ti'ik naxb'oq rahilal sa' xb'een.

Proverbios 17:20 ပူးပေါင်းရင်းမြစ်များ

Proverbios 10:31

Li ti̱c xchꞌo̱l naqꞌuehoc naꞌleb riqꞌuin li cha̱bil a̱tin naxye. Abanan li incꞌaꞌ nequeꞌa̱tinac cha̱bil a̱tin, incꞌaꞌ chic teꞌa̱tinak.

Proverbios 10:14

Li ani cuan xnaꞌleb naxqꞌue xlokꞌal li cha̱bil naꞌleb. Ut nak nequeꞌa̱tinac li incꞌaꞌ nequeꞌxtau xya̱lal, nachal nabal li raylal.

Proverbios 10:10

Li ani naxmutzꞌ li xnakꞌ ru re xmukbal li ma̱usilal, nabal raylal ta̱cha̱lk saꞌ xbe̱n. Ut li ani naa̱tinac chi incꞌaꞌ naxqꞌue retal li cꞌaꞌru naxye, xjunes naxsach rib.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Salmos 18:26

La̱at nacacuosobtesiheb li ti̱queb xchꞌo̱l cha̱cuu. Aban li incꞌaꞌ useb xnaꞌleb cau nacakꞌuseb.

Eclesiastés 10:12

Li a̱tin li naxye li cuan xnaꞌleb nasukꞌi usilal chokꞌ re. Abanan li cꞌaꞌru naxye li ma̱cꞌaꞌ xnaꞌleb, aꞌan ajcuiꞌ nasachoc re.

Proverbios 24:20

Li incꞌaꞌ useb xnaꞌleb moco us ta nak teꞌosokꞌ. Eb li incꞌaꞌ useb xnaꞌleb teꞌosokꞌ joꞌ nak nachup li xam.