Proverbios 17:19 - Li Santil hu

¹⁹ Li ani nacuulac chiru pletic naxra li ma̱c. Li ani naxnimobresi rib yo̱ chixbokbal raylal saꞌ xbe̱n.

Q'eqchi Bible

¹⁹ Li nawulak chiru li wech'ij ib', naxra li maak; li naxnimob'resi rib' naxsik' xrahilal xjunes rib'.

Proverbios 17:19 ပူးပေါင်းရင်းမြစ်များ

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

Proverbios 18:12

Li ani naxnimobresi rib xjunes naxsach rib. Ut li ani naxcubsi rib naqꞌueheꞌ xlokꞌal.

Santiago 1:20

Xban nak cui nocojoskꞌoꞌ, incꞌaꞌ nakaba̱nu li cꞌaꞌru naraj li Dios.

Proverbios 29:9

Cui li ani cuan xnaꞌleb naxcꞌam saꞌ rakleb a̱tin junak li ma̱cꞌaꞌ xnaꞌleb, li ani ma̱cꞌaꞌ xnaꞌleb junes hoboc naxba̱nu. Ma̱cꞌaꞌ naru xyi̱banquil ru riqꞌuin.

Proverbios 24:27

Xbe̱n cua te̱cꞌanjela ru le̱ chꞌochꞌ li cuan saꞌ cꞌaleba̱l. Chirix aꞌan te̱yi̱b le̱ rochoch.

Proverbios 17:14

Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

1 Reyes 1:5

Laj Adonías, li ralal li rey li quicuan riqꞌuin lix Haguit, quixkꞌetkꞌeti rib ut quixye: —La̱in tin-oc chokꞌ rey, chan. Joꞌcan nak quixcauresiheb lix carruaje ut lix cacua̱y ut quixsicꞌ ruheb laje̱b roxcꞌa̱l (50) li cui̱nk re teꞌoque̱nk chirix.

2 Samuel 15:1

Mokon chic laj Absalón quicuan jun lix carruaje quelonbil xbaneb lix cacua̱y. Ut cuanqueb ajcuiꞌ mero ciento (50) li cui̱nk li queꞌoquen chirix.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.