Proverbios 17:17 - Li Santil hu

¹⁷ Li cha̱bil amigo junelic narahoc, ut tixcꞌojob a̱chꞌo̱l nak yo̱kat chi cꞌuluc raylal joꞌ junak tzꞌakal asbej.

Q'eqchi Bible

¹⁷ Li tz'aqal amiiw junelik narahok; sa' xq'ehil junaq rahilal tatxtenq'a jo' junaq tz'aqal asb'ej.

Proverbios 17:17 ပူးပေါင်းရင်းမြစ်များ

Proverbios 18:24

Cuan amigo incꞌaꞌ chꞌaꞌaj nak nequeꞌxyoꞌob junak chꞌaꞌajquilal. Abanan cuan li tzꞌakal amigo kꞌaxal cuiꞌchic cha̱bil chiru junak asbej.

1 Samuel 20:17

Jun sut chic laj Jonatán quixye nak teꞌxba̱nu li juramento xban nak kꞌaxal cuiꞌchic naxra laj David joꞌ nak naxra rib aꞌan.

Proverbios 19:7

Eb li nebaꞌ nequeꞌtzꞌekta̱na̱c xbaneb li rechꞌalal. ¿Ma tojaꞌ ta chic li rami̱g incꞌaꞌ teꞌtzꞌekta̱na̱nk reheb? Usta nequeꞌxtzꞌa̱ma usilal chiruheb, abanan eb aꞌan ma̱cꞌaꞌ nequeꞌraj re.

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

Hebreos 2:11

La̱o nocosantobresi̱c xban li Ka̱cuaꞌ Jesucristo. La̱o ut li Jesucristo junaj ajcuiꞌ li kachoxahil Yucuaꞌ. Xban aꞌan li Jesucristo incꞌaꞌ naxuta̱na̱c chixyebal nak la̱o lix herma̱n.

Li xHu LIX RUT 1:16

Abanan lix Rut quichakꞌoc ut quixye re: —Ma̱ye cue chi joꞌcan. La̱in incꞌaꞌ tatincanab. Bar tatxic la̱at, aran ajcuiꞌ tinxic la̱in. Bar tatcua̱nk la̱at, aran ajcuiꞌ tincua̱nk la̱in. La̱ tenamit, aꞌanak ajcuiꞌ lin tenamit la̱in. Ut la̱ Dios, aꞌanak ajcuiꞌ lin Dios la̱in.

Ester 4:14

Cui ti̱c ma̱cꞌaꞌ nacaba̱nu la̱at anakcuan, la̱in ninnau nak cuan jun li ta̱colok reheb laj judío. Aꞌut la̱at joꞌqueb ajcuiꞌ li ralal xcꞌajol la̱ yucuaꞌ texcamsi̱k. Ma̱re anchal re xtenkꞌanquileb la̱ tenamit nak xatqꞌueheꞌ chokꞌ reina, chan laj Mardoqueo.

2 Samuel 1:26

At Jonatán, la̱at chanchanat li cuas. Cꞌajoꞌ xrahil inchꞌo̱l xban nak kꞌaxal raro̱cat inban. Kꞌaxal lokꞌ chokꞌ cue nak xina̱ra. Kꞌaxal lokꞌ nak xinraheꞌ a̱ban chiru nak xinraheꞌ xbaneb li ixk.

1 Samuel 23:16

Saꞌ jun li cutan laj Jonatán, li ralal laj Saúl, co̱ chirilbal laj David aran Zif saꞌ li naꞌajej Hores. Quixqꞌue xcacuil xchꞌo̱l saꞌ xcꞌabaꞌ li Ka̱cuaꞌ.

1 Samuel 19:2

Joꞌcan nak laj Jonatán quixye re laj David: —Lin yucuaꞌ ta̱raj a̱camsinquil. Joꞌcan nak cuulaj ta̱ba̱nu cue̱nt. Muk a̱cuib saꞌ junak naꞌajej bar incꞌaꞌ tateꞌril.

2 Samuel 15:21

Abanan laj Itai quixye re laj David: —At rey, saꞌ xcꞌabaꞌ li Ka̱cuaꞌ, ut saꞌ a̱cꞌabaꞌ ajcuiꞌ la̱at, la̱in ninye a̱cue nak tinxic cha̱cuix yalak bar, usta yoꞌyo̱kin malaj ut tincamsi̱k, chan.

1 Samuel 19:3

La̱in tinxic cuochben lin yucuaꞌ saꞌ li cꞌaleba̱l nachꞌ cuancat cuiꞌ. Tina̱tinak cha̱cuix. Cꞌaꞌ na ru tixye lin yucuaꞌ, la̱in tinye cuiꞌchic a̱cue, chan.

Proverbios 16:28

Li incꞌaꞌ useb xnaꞌleb nequeꞌyoꞌoban ple̱t. Ut li ani namoloc a̱tin nequeꞌxqꞌueheb saꞌ chꞌaꞌajquilal li rami̱gueb rib.

Proverbios 19:13

Junak li alalbej incꞌaꞌ naxtau xya̱lal, aꞌan jun rahil chꞌo̱lej chokꞌ re lix yucuaꞌ. Ut junak li ixakilbej junes chꞌila̱nc naxba̱nu, aꞌan chanchan li oques li na-oc saꞌ cab rajlal.