Proverbios 17:14 - Li Santil hu

¹⁴ Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Q'eqchi Bible

¹⁴ Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Proverbios 17:14 ပူးပေါင်းရင်းမြစ်များ

Proverbios 25:8

Li cꞌaꞌru ta̱cuil riqꞌuin xnakꞌ a̱cuu incꞌaꞌ tatxic saꞌ junpa̱t chixyebal chiruheb laj rakol a̱tin xban nak ma̱re cuan junak chic ta̱xic chixyebal nak incꞌaꞌ ya̱l li yo̱cat chixyebal ut ma̱re incꞌaꞌ chic ta̱tau cꞌaꞌru tatsume̱nk cuiꞌ.

Proverbios 20:3

Li ani incꞌaꞌ napletic, aꞌan jun lokꞌal chokꞌ re. Abanan li ani ma̱cꞌaꞌ xnaꞌleb, junes ticoc ple̱t naxba̱nu.

1 Ts 4:11

Cheqꞌuehak e̱chꞌo̱l chi cua̱nc saꞌ xya̱lal. Me̱chꞌiꞌchꞌiꞌi li ani cuan cꞌaꞌru re. Chexcꞌanjelak re nak ta̱cua̱nk cꞌaꞌru e̱re re xnumsinquil li cutan junju̱nk joꞌ xexkatakla cuiꞌ.

Proverbios 15:1

Li ani nasumen riqꞌuin kꞌunil a̱tin naxcubsi xjoskꞌil li ani yo̱ chi a̱tinac saꞌ joskꞌil. Aꞌut li ani nasumen saꞌ joskꞌil, kꞌaxal cuiꞌchic naxnimobresi ru li chꞌaꞌajquilal.

Romanos 12:18

Li joꞌ qꞌuial texru̱k chixba̱nunquil, cheba̱nuhak re nak texcua̱nk saꞌ usilal riqꞌuineb le̱ ras e̱ri̱tzꞌin.

Proverbios 29:22

Li ani chꞌinpoꞌ naxyoꞌob ra xi̱cꞌ. Ut li ani najoskꞌoꞌ, nabal sut nama̱cob.

Proverbios 26:21

Ma̱cꞌaꞌ ru xam cui ma̱cꞌaꞌ li xam. Ut ma̱cꞌaꞌ li xam cui ma̱cꞌaꞌ li siꞌ. Joꞌcan ajcuiꞌ nak ma̱cꞌaꞌ li ple̱t cui ma̱ ani nayoꞌoban re li ple̱t.

Proverbios 17:19

Li ani nacuulac chiru pletic naxra li ma̱c. Li ani naxnimobresi rib yo̱ chixbokbal raylal saꞌ xbe̱n.

Proverbios 16:32

Kꞌaxal us nak cua̱nk a̱cuyum chiru nak cauhak a̱cuib. Ut kꞌaxal us nak ta̱nau xcuybal a̱cuib chiru nak ta̱cue̱chani junak tenamit.

Proverbios 14:29

Li ani cuan xnaꞌleb incꞌaꞌ najoskꞌoꞌ chi junpa̱t. Ut li ani incꞌaꞌ nacuyuc naxcꞌutbesi nak ma̱cꞌaꞌ xnaꞌleb.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

2 Crónicas 28:6

Chiru jun cutan li rey Peka li ralal laj Remalías quixcamsiheb aran Judá jun ciento riqꞌuin junmay mil (120,000) chi soldado cauheb xchꞌo̱l chi pletic. Quicꞌulman chi joꞌcan xban nak eb laj Judá queꞌxtzꞌekta̱na li Ka̱cuaꞌ lix Dioseb lix xeꞌto̱nil yucuaꞌ.

2 Crónicas 13:17

Eb laj Judá queꞌnumta saꞌ xbe̱neb laj Israel ut queꞌxcamsiheb o̱b ciento mil (500,000) li soldado li sicꞌbileb ru.

2 Samuel 19:41

Ut chixjunileb laj Israel queꞌco̱eb riqꞌuin li rey ut queꞌxye re: —At rey, ¿cꞌaꞌut nak eb li kas ki̱tzꞌin li cuanqueb Judá xeꞌochbenin a̱cue nak xatnumeꞌ saꞌ li nimaꞌ Jordán a̱cuochbeneb chixjunileb la̱ cualal a̱cꞌajol ut eb la̱ soldados? chanqueb.

Proverbios 19:11

Li ani naxnau cꞌoxlac, naxnau xcuybal rib ut incꞌaꞌ najoskꞌoꞌ saꞌ junpa̱t. Ut lix lokꞌal, aꞌan nak incꞌaꞌ naxqꞌue saꞌ xchꞌo̱l nak naba̱nu̱c ma̱usilal re.