Proverbios 17:12 - Li Santil hu

¹² Kꞌaxal us nak ta̱cꞌul jun li oso yo̱ xjoskꞌil li qui-elkꞌa̱c li ral, chiru nak ta̱chꞌic a̱cuib riqꞌuin jun li incꞌaꞌ naxnau xya̱lal xban nak kꞌaxal ra cuiꞌchic ta̱cꞌul.

Q'eqchi Bible

¹² Jwal us naq taataw aawib' rik'in junaq josq' aj xul chiru naq toxaataw junaq winq maak'a' xna'leb'.

Proverbios 17:12 ပူးပေါင်းရင်းမြစ်များ

Oseas 13:8

La̱in tinjoskꞌokꞌ joꞌ nak najoskꞌoꞌ li ixki oso li na-elkꞌa̱c ral chiru. Tinba̱nu joꞌ naxba̱nu li oso nak naxchap ut naxtꞌupi li namakꞌoc re li ral chiru toj retal tixcamsi. Chanchanakin li cakcoj nak tinsacheb. Ut tinba̱nu joꞌ naxba̱nu li joskꞌ aj xul saꞌ qꞌuicheꞌ nak naxtꞌupi lix tib.

2 Samuel 17:8

La̱at nacanau nak la̱ yucuaꞌ ut eb lix soldados cauheb rib chi pletic. Yo̱queb xjoskꞌil anakcuan. Chanchaneb li oso li namakꞌeꞌ li ral chiru. La̱ yucuaꞌ naxnau pletic chi us. Aꞌan incꞌaꞌ tixnumsi li kꞌojyi̱n saꞌ xya̱nkeb li tenamit.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Proverbios 27:3

Li pec ut li samaib kꞌaxal chꞌaꞌaj xcuybal li ra̱lal. Abanan kꞌaxal cuiꞌchic chꞌaꞌaj xcuybal lix joskꞌil li ma̱cꞌaꞌ xnaꞌleb.

2 Reyes 2:24

Li profeta Eliseo quixsukꞌisi rib ut quirileb. Ut saꞌ xcꞌabaꞌ li Ka̱cuaꞌ Dios quixtzꞌa̱ma ma̱usilal saꞌ xbe̱neb. Ut cuib li joskꞌ aj xul oso xcꞌabaꞌ queꞌel saꞌ li qꞌuicheꞌ ut queꞌxcamsiheb cuib roxcꞌa̱l li sa̱j al. Pedasinbil queꞌxba̱nu reheb.

Proverbios 17:11

Li incꞌaꞌ useb xnaꞌleb junes sicꞌoc ple̱t nequeꞌxba̱nu. Kꞌaxal ra li tojba ma̱c ta̱cha̱lk saꞌ xbe̱neb.

Proverbios 29:9

Cui li ani cuan xnaꞌleb naxcꞌam saꞌ rakleb a̱tin junak li ma̱cꞌaꞌ xnaꞌleb, li ani ma̱cꞌaꞌ xnaꞌleb junes hoboc naxba̱nu. Ma̱cꞌaꞌ naru xyi̱banquil ru riqꞌuin.