Proverbios 16:8 - Li Santil hu

⁸ Kꞌaxal us nak cua̱nk cꞌaꞌru a̱cue saꞌ ti̱quilal, usta caꞌchꞌin ajcuiꞌ, chiru nak cua̱nk nabal cꞌaꞌru a̱cue riqꞌuin balakꞌic.

Q'eqchi Bible

⁸ Jwal us li wank sa' neb'a'il ut tiikaq qach'ool chiru li b'ihomo'k sa' b'alaq'il.

Proverbios 16:8 ပူးပေါင်းရင်းမြစ်များ

Proverbios 15:16

Kꞌaxal us xxucuanquil ru li Dios, usta nebaꞌo, chiru nak cua̱nk kabiomal ut cua̱nk karaylal.

Salmos 37:16

Usta caꞌchꞌin ajcuiꞌ li cꞌaꞌru cuan reheb li ti̱queb xchꞌo̱l, aꞌan kꞌaxal cuiꞌchic us chiru lix biomaleb li incꞌaꞌ useb xchꞌo̱leb.

Jeremías 17:11

Li ani naxtau xbiomal riqꞌuin balakꞌic, aꞌan chanchan li xul li naxhupub rib saꞌ xbe̱n li mol li ma̱cuaꞌ re. Nak toj ma̱jiꞌ ti̱x, tixsach lix biomal ut ta̱cꞌutu̱nk nak ma̱cꞌaꞌ xnaꞌleb.

Miqueas 6:10

¿Ma incꞌaꞌ ta biꞌ toj cuan ajcuiꞌ saꞌ rochocheb li incꞌaꞌ useb xnaꞌleb lix biomal li queꞌre̱chani riqꞌuin xbalakꞌinquileb li tenamit? Ut, ¿ma incꞌaꞌ ta biꞌ toj cuan ajcuiꞌ lix bisleb li incꞌaꞌ tzꞌakal nequeꞌbisoc cuiꞌ? La̱in xicꞌ nacuil chixjunil li nequeꞌxba̱nu.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Proverbios 16:9

Eb li cristian nequeꞌxcꞌoxla li cꞌaꞌru nequeꞌxba̱nu. Abanan li Ka̱cuaꞌ yal re ma teꞌxba̱nu malaj ut incꞌaꞌ.

Eclesiastés 4:6

Us nak naxba̱nu chi joꞌcan. Us nak kꞌalkꞌo rukꞌ saꞌ rochoch chiru nak tixcamsi rib chi cꞌanjelac chi ma̱cꞌaꞌ rajbal xban nak aꞌan junes raylal naxqꞌue.

Proverbios 15:17

Kꞌaxal us nak takatzaca li tzacae̱mk li cubenak xtzꞌak ut takara kib chiru nak takatzaca li cha̱bil tzacae̱mk terto xtzꞌak ut xicꞌ takil kib.

Proverbios 17:1

Kꞌaxal us li tzaca̱nc saꞌ nebaꞌil chi sa saꞌ kachꞌo̱l chiru nak yo̱ko chi ninkꞌei̱c rajlal ut yo̱ko chi pletic.

Proverbios 28:6

Kꞌaxal us li cua̱nc saꞌ ti̱quilal, usta nebaꞌo, chiru nak cua̱nk kabiomal ut incꞌaꞌ usak kanaꞌleb.