Proverbios 16:32 - Li Santil hu

³² Kꞌaxal us nak cua̱nk a̱cuyum chiru nak cauhak a̱cuib. Ut kꞌaxal us nak ta̱nau xcuybal a̱cuib chiru nak ta̱cue̱chani junak tenamit.

Q'eqchi Bible

³² Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

Proverbios 16:32 ပူးပေါင်းရင်းမြစ်များ

Santiago 1:19

Ex inherma̱n, raro̱quex inban. La̱ex ac nequenau lix ya̱lal aꞌin. Joꞌcan nak cheqꞌuehak e̱chꞌo̱l chi abi̱nc. Checꞌoxla chi us li oc e̱re chixyebal ut mexjoskꞌoꞌ.

Proverbios 15:18

Li ani chꞌinpoꞌ naxnimobresi ru li chꞌaꞌajquilal. Abanan li ani incꞌaꞌ najoskꞌoꞌ saꞌ junpa̱t, aꞌan naxyi̱b ru li chꞌaꞌajquilal saꞌ usilal.

Proverbios 25:28

Li ani incꞌaꞌ naxnau xcuybal rib, aꞌan chanchan jun li tenamit xiu xiu cuan xban nak incꞌaꞌ sutsu saꞌ tzꞌac.

Proverbios 14:29

Li ani cuan xnaꞌleb incꞌaꞌ najoskꞌoꞌ chi junpa̱t. Ut li ani incꞌaꞌ nacuyuc naxcꞌutbesi nak ma̱cꞌaꞌ xnaꞌleb.

Romanos 12:21

Me̱chꞌinan e̱chꞌo̱l riqꞌuin li incꞌaꞌ us li nequeꞌxba̱nu e̱re. Qꞌuehomak ban e̱chꞌo̱l chixba̱nunquil li us. Chi joꞌcan te̱co̱loni xnumsinquil li incꞌaꞌ us.

Proverbios 19:11

Li ani naxnau cꞌoxlac, naxnau xcuybal rib ut incꞌaꞌ najoskꞌoꞌ saꞌ junpa̱t. Ut lix lokꞌal, aꞌan nak incꞌaꞌ naxqꞌue saꞌ xchꞌo̱l nak naba̱nu̱c ma̱usilal re.

Salmos 103:8

Li Ka̱cuaꞌ aꞌan cha̱bil ut junelic na-uxta̱nan u. Incꞌaꞌ najoskꞌoꞌ saꞌ junpa̱t. Kꞌaxal nim ban li ruxta̱n.

Efesios 5:1

La̱ex chic li ralal xcꞌajol li Dios ut raro̱quex xban. Joꞌcan nak chetzolak e̱rib riqꞌuin li Dios re nak te̱ba̱nu joꞌ naraj aꞌan.

Apocalipsis 3:21

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l, la̱in tinqꞌue chi cꞌojla̱c chincꞌatk saꞌ lin cꞌojariba̱l joꞌ nak cꞌojcꞌo̱quin chixcꞌatk lin Yucuaꞌ saꞌ lix cꞌojariba̱l xban nak xincuy xnumsinquil li raylal.

Proverbios 16:19

Kꞌaxal us nak takacubsi kib saꞌ xya̱nkeb li nebaꞌ chiru nak takanimobresi kib saꞌ xya̱nkeb li cuanqueb xbiomal.

2 Reyes 5:12

¿Ma ma̱cꞌaꞌ ta biꞌ nimaꞌ aran Damasco? Cuanqueb li nimaꞌ Abana ut Farfar. Eb li nimaꞌ aꞌan kꞌaxal us chiru li nimaꞌ arin Israel. La̱in xin-atin raj saꞌ li nimaꞌ aꞌan ut quinqꞌuira raj, chan. Ut cꞌajoꞌ xjoskꞌil nak co̱.

Proverbios 16:31

Li ani nati̱x chi us, kꞌaxal lokꞌ chokꞌ re. Nati̱x chi us xban nak cuan saꞌ ti̱quilal.

Proverbios 16:33

Eb li cui̱nk nequeꞌxsicꞌ cꞌaꞌru teꞌxba̱nu riqꞌuin bu̱lic. Abanan li Dios, aꞌan yal re saꞌ xbe̱n chixjunil.

Eclesiastés 7:8

Kꞌaxal us nak ta̱choy li cꞌanjel li ac xatiquib xba̱nunquil chiru nak ta̱tiquib xba̱nunquil jun chic cꞌanjel ut incꞌaꞌ ta̱choy xba̱nunquil. Ut kꞌaxal us li cuyuc ib chiru li nimobresi̱nc ib.

Proverbios 25:15

Li ani nim xcuyum naxcubsi xjoskꞌil li cuan xcuanquil. Li kꞌunil a̱tin naxtenkꞌa xjalbal xcꞌaꞌux junak li kꞌaxal cau xchꞌo̱l.

Eclesiastés 7:9

Ut incꞌaꞌ tatjoskꞌokꞌ saꞌ junpa̱t joꞌ nequeꞌxba̱nu li ma̱cꞌaꞌeb xnaꞌleb. Eb aꞌan nequeꞌjoskꞌoꞌ saꞌ junpa̱t.