Proverbios 16:22 - Li Santil hu

²² Li ani cuan xnaꞌleb naxtau xyuꞌam chi junelic. Ut xqꞌuebal xnaꞌlebeb li incꞌaꞌ nequeꞌxtau xya̱lal, aꞌan ma̱cꞌaꞌ aj e.

Q'eqchi Bible

²² Li k'oxlak chi chaab'il a'an xyo'leb'aal li yu'am; ut li xtzolb'aleb' li maak'a'eb' xna'leb' a'an b'ayok ib'.

Proverbios 16:22 ပူးပေါင်းရင်းမြစ်များ

San Juan 6:63

Li naqꞌuehoc junelic yuꞌam, aꞌan li Santil Musikꞌej. Aꞌan ma̱cuaꞌ re li tibelej. La̱in xinchꞌolob xya̱lal che̱ru. Li xinye e̱re yebil cue xban li Santil Musikꞌej. Cui te̱pa̱b li cꞌaꞌru xinye, li Santil Musikꞌej tixqꞌue e̱re li junelic yuꞌam.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Proverbios 13:14

Li ani cuan xnaꞌleb naxqꞌue cha̱bil naꞌleb ut li a̱tin li naxye naxqꞌue xyuꞌam li ani naqꞌueheꞌ xnaꞌleb. Ut li ani naqꞌueheꞌ xnaꞌleb nacoleꞌ chiru lix cuanquil li ca̱mc.

San Juan 5:24

Relic chi ya̱l ninye e̱re nak li ani na-abin re li cꞌaꞌru ninye ut naxpa̱b li Dios li quitaklan chak cue, li jun aꞌan cuan xyuꞌam chi junelic. Incꞌaꞌ ta̱xic saꞌ tojba ma̱c xban nak incꞌaꞌ chic tenebanbil li ca̱mc saꞌ xbe̱n. Cua̱nk ban chic xyuꞌam chi junelic.

Proverbios 10:11

Li a̱tin li naxye li ti̱c xchꞌo̱l, aꞌan natenkꞌan re li junju̱nk chixtaubal li cha̱bil yuꞌam. Abanan li incꞌaꞌ useb xnaꞌleb mem teꞌcana̱k nak ta̱cha̱lk li raylal saꞌ xbe̱neb.

San Juan 6:68

Quichakꞌoc laj Simón Pedro ut quixye re: —At Ka̱cuaꞌ, ¿ani aj iqꞌuin toxic? La̱at nacaye ke chanru ta̱cua̱nk kayuꞌam chi junelic.

Proverbios 18:4

Li cha̱bil a̱tin li naxye li cui̱nk li cuan xnaꞌleb, aꞌan chanchan li yuꞌam haꞌ li nabe̱c rok ut incꞌaꞌ nachakic.

Proverbios 15:28

Li ani ti̱c xchꞌo̱l toj naxcꞌoxla chi us cꞌaꞌru ta̱sume̱nk cuiꞌ. Abanan li incꞌaꞌ useb xnaꞌleb yibru nequeꞌsumen cuiꞌ xban nak incꞌaꞌ nequeꞌxcꞌoxla cꞌaꞌru nequeꞌxye.

Proverbios 15:2

Li a̱tin li naxye li cuan xnaꞌleb naxqꞌue xnaꞌleb li ani na-abin re. Abanan li a̱tin li nequeꞌxye li ma̱cꞌaꞌeb xnaꞌleb, aꞌan yal to̱ntil a̱tin nequeꞌxye.

Proverbios 14:27

Li ani naxxucua ru li Dios naxtau xyuꞌam chi junelic ut nacoleꞌ chiru lix cuanquil li ca̱mc.

Proverbios 3:22

Cui te̱ba̱nu chi joꞌcan, ta̱cua̱nk le̱ yuꞌam chi junelic ut sahak saꞌ e̱chꞌo̱l.

Proverbios 16:21

Li ani naxnau cꞌoxlac, “cuan xnaꞌleb” chanqueb re. Ut nequeꞌabin chiru xban nak naxnau a̱tinac chi cha̱bil.

Proverbios 16:23

Li ani cuan xnaꞌleb naxcꞌoxla chi us li cꞌaꞌru naxye. Ut li a̱tin li naxye na-abi̱c.

Proverbios 18:7

Li a̱tin li naxye li ma̱cꞌaꞌ xnaꞌleb, aꞌan li nasachoc re. Li a̱tin li naxye, aꞌan chanchan jun raꞌal chokꞌ re.