Proverbios 16:20 - Li Santil hu

²⁰ Li ani naxqꞌue saꞌ xchꞌo̱l li naꞌleb li naqꞌueheꞌ re, us ta̱e̱lk riqꞌuin li cꞌaꞌru naxba̱nu. Us xak re li ani naxcꞌojob xchꞌo̱l riqꞌuin li Ka̱cuaꞌ.

Q'eqchi Bible

²⁰ Li naxnaw xjolominkil li k'aru re, us taawanq; us xaq re li k'ojk'o xch'ool rik'in li Qaawa'.

Proverbios 16:20 ပူးပေါင်းရင်းမြစ်များ

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

Salmos 34:8

Yalomak rix li Ka̱cuaꞌ re nak te̱qꞌue retal chanru lix cha̱bilal. Us xak re li ani cau xchꞌo̱l riqꞌuin.

Proverbios 19:8

Li ani naxtau xnaꞌleb naxba̱nu li us xban nak naxra rib. Li ani naxqꞌue xlokꞌal li naꞌleb li naxtzol, us na-el riqꞌuin li naxba̱nu.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

Daniel 6:23

Cꞌajoꞌ nak quisahoꞌ xchꞌo̱l li rey xban nak quicoleꞌ laj Daniel ut quixtakla risinquil saꞌ xnaꞌajeb li cakcoj. Ut ma̱cꞌaꞌ quixcꞌul laj Daniel xban nak cꞌojcꞌo xchꞌo̱l riqꞌuin lix Dios.

Daniel 3:28

Tojoꞌnak li rey Nabucodonosor quixye: —Lokꞌoninbil taxak li Dios li nequeꞌxlokꞌoni laj Sadrac, laj Mesac ut laj Abed-nego xban nak aꞌan xtakla chak lix ángel chixcolbaleb li cui̱nk aꞌin li nequeꞌxlokꞌoni ut nequeꞌcꞌanjelac chiru. Incꞌaꞌ queꞌxlokꞌoni li jalam u̱ch joꞌ quintaklaheb. Xeꞌxkꞌaxtesi ribeb chi ca̱mc chiru xcuikꞌibanquil ribeb chixlokꞌoninquil li jalanil dios.

Proverbios 8:35

Li ani nasicꞌoc re li cha̱bil naꞌleb naxtau li junelic yuꞌam. Ut li ani nasicꞌoc re naxtau li rusilal li Ka̱cuaꞌ.

Salmos 146:5

Us xak re li ani tenkꞌanbil xban li Dios li quixlokꞌoni laj Jacob. Us xak re li ani na-oybenin riqꞌuin li Dios.

Proverbios 13:15

Li ani naxnau cꞌoxlac ta̱qꞌuehekꞌ xlokꞌal. Ut eb li nequeꞌxba̱nu li ma̱usilal incꞌaꞌ us nequeꞌel.

Salmos 125:1

Li cauheb xchꞌo̱l riqꞌuin li Ka̱cuaꞌ cauheb rib. Chanchaneb li tzu̱l Sión li incꞌaꞌ na-ecꞌan saꞌ xnaꞌaj. Cuan ban saꞌ xnaꞌaj chi junelic.

1 Crónicas 5:20

Li Dios quixtenkꞌaheb xban nak queꞌxcꞌojob xchꞌo̱leb riqꞌuin ut queꞌxya̱ba xcꞌabaꞌ nak yo̱queb chi pletic. Eb laj agareno ut eb li yo̱queb chi tenkꞌa̱nc reheb queꞌxkꞌaxtesi ribeb saꞌ rukꞌeb xban nak li Dios quixtenkꞌaheb.

Proverbios 17:2

Junak mo̱s cuan xnaꞌleb, aꞌan ta̱cua̱nk xcuanquil saꞌ xbe̱n li alalbej ma̱cꞌaꞌ xnaꞌleb ut aꞌan ta̱tzꞌako̱nk riqꞌuin li cꞌaꞌru cuan re lix patrón saꞌ xya̱nkeb li ralal xcꞌajol lix patrón.

Salmos 32:10

Li incꞌaꞌ useb xnaꞌleb qꞌuila raylal cuan saꞌ xbe̱neb. Aꞌut li cauheb xchꞌo̱l riqꞌuin li Ka̱cuaꞌ, numtajenak li rusilal li Dios li nequeꞌxcꞌul.

Proverbios 13:13

Li ani naxtzꞌekta̱na li chakꞌrab ta̱sachk. Abanan li ani naxqꞌue xcuanquil li chakꞌrab, aꞌan tixcꞌul xkꞌajca̱munquil.