Proverbios 16:2 - Li Santil hu

² Eb li cristian nequeꞌxcꞌoxla nak us chixjunil li nequeꞌxba̱nu. Abanan, li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

Q'eqchi Bible

² Li junjunq naxk'oxla naq us chixjunil li naxb'aanu; ab'an li Qaawa' naxtz'il rix li xchamal li ch'oolej.

Proverbios 16:2 ပူးပေါင်းရင်းမြစ်များ

Proverbios 21:2

Eb li cristian nequeꞌxcꞌoxla nak us chixjunil li nequeꞌxba̱nu. Abanan li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

1 Samuel 16:7

Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Proverbios 30:12

Cuanqueb li nequeꞌxcꞌoxla nak tzꞌakal re ru lix yuꞌameb, abanan toj ma̱jiꞌ cuybil sachbil lix ma̱queb.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Proverbios 24:12

Usta ta̱ye nak ma̱cꞌaꞌ nacanau, abanan li Dios naxnau cꞌaꞌru cuan saꞌ a̱chꞌo̱l. Li Dios na-iloc a̱cue ut naxnau cꞌaꞌru yo̱cat. Aꞌan ta̱kꞌajca̱mu̱nk a̱cue aꞌ yal chanru la̱ yehom a̱ba̱nuhom.

Salmos 36:2

Nequeꞌxnimobresi rib ut nequeꞌxcꞌoxla nak li Dios incꞌaꞌ naxnau nak cuan xma̱queb. Ut nequeꞌxcꞌoxla ajcuiꞌ nak li Dios incꞌaꞌ tixqꞌueheb chixtojbal rixeb lix ma̱c.

Proverbios 5:21

Li Ka̱cuaꞌ yo̱ chirilbal chanru lix naꞌleb li junju̱nk. Ut junelic yo̱ chixqꞌuebal retal cꞌaꞌru nequeꞌxba̱nu.

Proverbios 16:25

Cuanqueb li cui̱nk nequeꞌxcꞌoxla nak us li nequeꞌxba̱nu xjuneseb. Abanan li cꞌaꞌru nequeꞌxba̱nu, aꞌan ajcuiꞌ li nacꞌamoc chak re li ca̱mc saꞌ xbe̱neb.

Daniel 5:27

Tekel: Xatxbis riqꞌuin lix bisleb ut nacꞌutun nak incꞌaꞌ us la̱ naꞌleb.

Isaías 26:7

Ti̱c ru li be li nequeꞌnumeꞌ cuiꞌ li ti̱queb xchꞌo̱l. At Ka̱cuaꞌ, la̱at nacatti̱cobresin re li be chiruheb.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Apocalipsis 2:18

Ut quixye ajcuiꞌ cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Tiatira ut ta̱ye re: Li Cꞌajolbej, li nalemtzꞌun xnakꞌ ru chanchan xam ut li rok chanchan li cha̱bil chꞌi̱chꞌ bronce li nalemtzꞌun, naxye e̱re chi joꞌcaꞌin:

1 Samuel 2:3

Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

Proverbios 12:15

Li ani ma̱cꞌaꞌ xnaꞌleb naxcꞌoxla nak us yo̱ chixba̱nunquil. Abanan li cuan xnaꞌleb naxqꞌue saꞌ xchꞌo̱l li naꞌleb naqꞌueheꞌ re.

Números 22:32

Lix ángel li Ka̱cuaꞌ quixpatzꞌ re laj Balaam: —¿Cꞌaꞌut nak xasacꞌ la̱ bu̱r oxib sut? La̱in cuanquin arin chixrambal a̱be xban nak incꞌaꞌ us li xic a̱cue chixba̱nunquil.

Jueces 7:6

Oxib ciento ajcuiꞌ chi cui̱nk li queꞌxlec li haꞌ chi rukꞌeb ut queꞌxrekꞌ. Ut eb li jun chꞌol chic queꞌxcuikꞌib ribeb chi ucꞌac.

Jueces 17:6

Saꞌ eb li cutan aꞌan li junju̱nk queꞌxba̱nu li cꞌaꞌru queꞌraj xba̱nunquil xban nak ma̱cꞌaꞌ junak rey chi takla̱nc saꞌ xbe̱neb.

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.