Proverbios 16:17 - Li Santil hu

¹⁷ Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Q'eqchi Bible

¹⁷ Li tiikeb' xch'ool xik' neke'ril li maa'usilal; neke'xk'e reetal li xb'aanuhomeb' re naq te'xkol rix li xyu'ameb'.

Proverbios 16:17 ပူးပေါင်းရင်းမြစ်များ

Isaías 35:8

Ta̱cua̱nk aran jun li cha̱bil be. “Xbehil li Santilal” xcꞌabaꞌ. Eb li incꞌaꞌ useb xnaꞌleb incꞌaꞌ teꞌoc saꞌ li be aꞌan, chi moco teꞌoc aran li ma̱cꞌaꞌeb xnaꞌleb.

Proverbios 19:16

Li ani naxba̱nu li naxye saꞌ lix chakꞌrab li Dios, aꞌan naxcol rix lix yuꞌam. Ut li ani naxtzꞌekta̱na lix chakꞌrab li Dios, aꞌan ta̱ca̱mk.

Proverbios 10:9

Li ani cuan saꞌ ti̱quilal ma̱cꞌaꞌ naxxucua. Ut li ani naxba̱nu li incꞌaꞌ us, incꞌaꞌ ajcuiꞌ us na-el.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

San Judas 1:21

Chenauhak nak nequexra li Dios ut incꞌaꞌ chicuiba̱nk e̱chꞌo̱l. Cheroybenihak nak tol-e̱lk li Ka̱cuaꞌ Jesucristo ut riqꞌuin lix nimal ruxta̱n tixqꞌue le̱ yuꞌam chi junelic.

Hebreos 10:39

Aban, la̱o ma̱cuaꞌo xcomoneb li nequeꞌxcanab xpa̱banquil li Dios. Eb aꞌan teꞌxic saꞌ xbalba. La̱o nakapa̱b li Dios ut tocolekꞌ.

Hechos 24:16

Joꞌcan nak ninqꞌue inchꞌo̱l chixba̱nunquil li us re nak ma̱cꞌaꞌak inma̱c chiru li Dios chi moco chiruheb li cuas cui̱tzꞌin.

Hechos 10:35

Li ani naxxucua ru li Dios ut naxba̱nu li ti̱quilal aꞌ yal bar xtenamit, li jun aꞌan naraheꞌ xban li Dios.

San Mateo 24:13

Ut li ani tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Proverbios 4:23

Cheqꞌuehak retal chi us li cꞌaꞌru te̱ba̱nu xban nak riqꞌuin xba̱nunquil li us ta̱cua̱nk e̱yuꞌam.

Proverbios 21:23

Li ani incꞌaꞌ naa̱tinac nabal, aꞌan yo̱ chixcolbal rib chiru li raylal.

Proverbios 22:5

Junes raylal nequeꞌxcꞌul li incꞌaꞌ useb xnaꞌleb. Abanan li nequeꞌxba̱nu cue̱nt riqꞌuin lix yuꞌameb incꞌaꞌ nequeꞌxcꞌul chi joꞌcan.