Proverbios 16:12 - Li Santil hu

¹² Incꞌaꞌ us chokꞌ reheb li rey xba̱nunquil li incꞌaꞌ us xban nak riqꞌuin xba̱nunquil li ti̱quilal xakxo̱queb lix cuanquileb.

Q'eqchi Bible

¹² Eb' li awab'ej xik' neke'ril li ink'a' us, xb'aan naq rik'in xb'aanunkil li tiikilal xaqxo li xwankileb'.

Proverbios 16:12 ပူးပေါင်းရင်းမြစ်များ

Proverbios 25:5

Joꞌcan ajcuiꞌ nak te̱risiheb chi cꞌanjelac chiru li rey li incꞌaꞌ useb xnaꞌleb re nak lix cuanquilal li rey ta̱cana̱k chi xakxo saꞌ xnaꞌaj xban li ti̱quilal naxba̱nu.

San Lucas 12:48

Abanan li mo̱s li incꞌaꞌ naxba̱nu li us xban nak incꞌaꞌ naxnau cꞌaꞌru naraj lix patrón, li jun aꞌan tixcꞌul ajcuiꞌ xtojbal xma̱c. Abanan caꞌchꞌin ajcuiꞌ chiru li tixcꞌul li naxnau li cꞌaꞌru naraj lix patrón. Li ani naxnau xya̱lal, mas cuiꞌchic nabal li i̱k cuan saꞌ xbe̱n. Ut li ani cuan xnaꞌleb chi us, mas cuiꞌchic li i̱k cuan saꞌ xbe̱n chiru li jun li ma̱cꞌaꞌ xnaꞌleb, chan.

Proverbios 29:14

Li rey li nataklan saꞌ ti̱quilal saꞌ xbe̱neb li nebaꞌ, xakxo̱k saꞌ xnaꞌaj lix cuanquil junelic.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

Proverbios 20:18

Li cꞌaꞌru naxcꞌu̱b ru junak, us na-el xban nak naxqꞌue saꞌ xchꞌo̱l li cha̱bil naꞌleb qꞌuebil re. Joꞌcan nak te̱cꞌoxla chi us nak te̱tiquib junak ple̱t.

Salmos 99:4

Kꞌaxal nim xcuanquil li karey. Naxra li ti̱quilal. Quixxakab xcuanquil li ti̱quilal ut li cha̱bilal saꞌ xya̱nkeb li ralal xcꞌajol laj Jacob.

Deuteronomio 25:16

Li Ka̱cuaꞌ xicꞌ narileb li nequeꞌxbalakꞌi ras ri̱tzꞌin ut incꞌaꞌ nequeꞌbisoc chi tzꞌakal.

Proverbios 16:13

Eb li rey nequeꞌxra li ani nequeꞌxye li ya̱l ut nequeꞌsahoꞌ saꞌ xchꞌo̱leb riqꞌuineb li cuanqueb saꞌ xya̱lal.

2 Crónicas 17:5

Joꞌcan nak li Dios quixxakab saꞌ xnaꞌaj lix cuanquil laj Josafat ut chixjunileb laj Judá queꞌxqꞌue xma̱tan. Nabal lix biomal quicuan ut quiqꞌueheꞌ xlokꞌal.

Proverbios 29:4

Li rey li nataklan saꞌ ti̱quilal naxtenkꞌa lix tenamit. Abanan li rey li junes tumin naxcꞌoxla, naxpoꞌ ru lix tenamit.