Proverbios 15:9 - Li Santil hu

⁹ Li Ka̱cuaꞌ xicꞌ naril li cꞌaꞌru nequeꞌxba̱nu li incꞌaꞌ useb xnaꞌleb. Abanan naxraheb li nequeꞌxba̱nu li ti̱quilal.

Q'eqchi Bible

⁹ Li Qaawa' ink'a' naxk'ul ru li xyu'ameb' laj maak, ab'anan naxra li chaab'ileb' xyu'am.

Proverbios 15:9 ပူးပေါင်းရင်းမြစ်များ

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

Proverbios 21:21

Li ani naraj cua̱nc saꞌ ti̱quilal ut saꞌ cha̱bilal naxtau lix yuꞌam ut lix lokꞌal.

San Mateo 7:13

Chex-oc saꞌ li oqueba̱l li caꞌchꞌin ru xban nak nim ru li oqueba̱l ut nim ru li be li naxic saꞌ li tojba ma̱c ut nabaleb li nequeꞌxic aran.

Habacuc 1:13

La̱at ti̱c la̱ chꞌo̱l ut incꞌaꞌ nacuulac cha̱cuu li incꞌaꞌ us. ¿Cꞌaꞌut nak yal nacacuil li rahobtesi̱nc li yo̱queb chixba̱nunquil? La̱at ma̱cꞌaꞌ nacaba̱nu nak li incꞌaꞌ useb xnaꞌleb nequeꞌxsach ruheb li ti̱queb xchꞌo̱l.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Jeremías 44:4

Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

2 Timoteo 2:22

Joꞌcan utan chatzꞌekta̱na chi junaj cua li incꞌaꞌ us li nequeꞌxrahi ru li toj sa̱jeb. Ut qꞌue a̱chꞌo̱l chicua̱nk saꞌ ti̱quilal ut chatpa̱ba̱nk chi tzꞌakal. Charahakeb la̱ cuas a̱cui̱tzꞌin ut chatcua̱nk saꞌ usilal riqꞌuineb chixjunileb. La̱akat jun saꞌ xya̱nkeb li ti̱queb xchꞌo̱l li nequeꞌtijoc chiru li Dios.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Isaías 51:1

Li Dios quixye: —Chine̱rabi la̱ex li nequeqꞌue e̱chꞌo̱l chixba̱nunquil li ti̱quilal ut nequesicꞌ li Ka̱cuaꞌ. Cꞌoxlahomak aniheb le̱ xeꞌto̱nil yucuaꞌ. Eb aꞌan chanchaneb li pec li isinbil chak saꞌ junak li sako̱nac.

Isaías 26:7

Ti̱c ru li be li nequeꞌnumeꞌ cuiꞌ li ti̱queb xchꞌo̱l. At Ka̱cuaꞌ, la̱at nacatti̱cobresin re li be chiruheb.

Proverbios 21:8

Li incꞌaꞌ useb xnaꞌleb junes ma̱usilal nequeꞌxba̱nu. Abanan li cha̱bileb xnaꞌleb nequeꞌxba̱nu li ti̱quilal.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Proverbios 4:19

Abanan eb li incꞌaꞌ useb xnaꞌleb cuanqueb saꞌ xkꞌojyi̱nal ru li ma̱c xban li ma̱usilal nequeꞌxba̱nu. Moco teꞌxnau ta cꞌaꞌru ta̱cha̱lk saꞌ xbe̱neb.

Salmos 1:6

Li Ka̱cuaꞌ Dios na-iloc reheb li ti̱queb xchꞌo̱l, ut li incꞌaꞌ useb xnaꞌleb teꞌsachekꞌ.

Deuteronomio 7:13

Li Ka̱cuaꞌ texra ut texrosobtesi ut tixqꞌue chi qꞌuia̱nc le̱ ralal e̱cꞌajol ut ta̱rosobtesiheb. Ut tixqꞌue ajcuiꞌ chi nabalocꞌ li ru le̱ racui̱mk. Tixqꞌue nabal le̱ trigo, le̱ vino ut le̱ aceite. Tixqꞌue nabal li ral le̱ cuacax ut le̱ carner saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ.

Salmos 139:24

Chaqꞌue taxak retal ma cuan li ma̱usilal yo̱quin chixba̱nunquil. China̱beresi re nak toxintau li junelic yuꞌam.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Proverbios 15:10

Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

Salmos 5:5

La̱at incꞌaꞌ nacacuil xtokꞌoba̱l ruheb li kꞌetkꞌeteb. Xicꞌ ban nacacuil li incꞌaꞌ useb xnaꞌleb.

Salmos 11:7

Li Ka̱cuaꞌ Dios ti̱c xchꞌo̱l ut naxra li ti̱quilal. Ut eb li ti̱queb xchꞌo̱l teꞌcua̱nk riqꞌuin li Dios saꞌ choxa.