Proverbios 15:8 - Li Santil hu

⁸ Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Q'eqchi Bible

⁸ Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Proverbios 15:8 ပူးပေါင်းရင်းမြစ်များ

Proverbios 15:29

Li Ka̱cuaꞌ incꞌaꞌ narabi lix tijeb li incꞌaꞌ useb xnaꞌleb. Abanan eb li ti̱queb xchꞌo̱l, li Ka̱cuaꞌ narabi lix tijeb.

Proverbios 21:27

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. ¿Ma tojaꞌ ta chic tixcꞌul nak teꞌxqꞌue chi incꞌaꞌ useb lix cꞌaꞌuxeb?

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Isaías 61:8

La̱in li Ka̱cuaꞌ Dios. Nacuulac chicuu li ti̱quilal ut xicꞌ nacuil li elkꞌac ut li ma̱c. Xban xti̱quilal inchꞌo̱l la̱in tinqꞌue xra̱baleb lin tenamit. Tinba̱nu jun contrato riqꞌuineb ut xakabanbilak xcuanquil chi junelic.

San Juan 4:24

Li Dios, aꞌan musikꞌej ut li ani ta̱lokꞌoni̱nk re, tento nak tixba̱nu chi anchal xchꞌo̱l ut chi tzꞌakal re ru, chan li Jesús.

Eclesiastés 5:1

Nak texxic saꞌ lix templo li Dios cheqꞌuehak retal chi us chanru le̱ naꞌleb. Incꞌaꞌ te̱qꞌue e̱chꞌo̱l xqꞌuebal li cꞌatbil mayej joꞌ nequeꞌxba̱nu li ma̱cꞌaꞌeb xnaꞌleb. Eb aꞌan incꞌaꞌ nequeꞌxqꞌue retal nak incꞌaꞌ us yo̱queb xban nak incꞌaꞌ nequeꞌxtau ru lix ya̱lal li yo̱queb chixba̱nunquil. Cheqꞌuehak ban e̱chꞌo̱l chixtzolbal lix ya̱lal.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Cantares 2:14

La̱at chanchanat jun li mucuy li naxmuk rib saꞌ eb li sako̱nac ut saꞌ eb li naꞌajej chꞌaꞌaj xtaubal. China̱canab chirilbal la̱ cuu. China̱canab chirabinquil lix ya̱b la̱ cux. Cꞌajoꞌ xchꞌinaꞌusal la̱ cuu. Ut cꞌajoꞌ nak nacuulac chicuu rabinquil xya̱b la̱ cux.

Salmos 17:1

At Ka̱cuaꞌ, chacuabi taxak li cꞌaꞌru yo̱quin chixtzꞌa̱manquil a̱cue. La̱at nacanau nak cuanquin saꞌ ti̱quilal cha̱cuu. China̱cuabi nak yo̱quin chixya̱banquil la̱ cꞌabaꞌ. Ut chasume taxak lin tij xban nak la̱in incꞌaꞌ yo̱quin chi balakꞌic.

Levítico 7:18

Incꞌaꞌ naru xtzacanquil li tib li ac oxib cutan xmayejanquil. Cui natzaca̱c, li mayej aꞌan incꞌaꞌ ta̱cꞌulekꞌ. Ta̱tzꞌekta̱na̱k xban li Dios. Ut li ani ta̱tzaca̱nk re cua̱nk xma̱c chiru li Dios.

Proverbios 10:24

Li cꞌaꞌru nequeꞌxxucua li incꞌaꞌ useb xnaꞌleb, aꞌan ajcuiꞌ li nachal saꞌ xbe̱neb. Abanan eb li ti̱queb xchꞌo̱l nequeꞌxcꞌul li cꞌaꞌru nequeꞌraj.

Proverbios 15:7

Eb li cuanqueb xnaꞌleb nequeꞌxqꞌue xnaꞌlebeb nabal. Ut eb li ma̱cꞌaꞌeb xnaꞌleb moco joꞌcan ta nequeꞌxba̱nu.

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Miqueas 6:7

¿Ma ta̱sahokꞌ saꞌ xchꞌo̱l li Ka̱cuaꞌ cui takamayeja nabalak li carner chiru? ¿Ma ta̱sahokꞌ xchꞌo̱l riqꞌuin cui takamayeja chiru nabalak li aceite? ¿Ma takaqꞌue chokꞌ kamayej li xbe̱n kalal re tixcuy kama̱c nak xkakꞌet li ra̱tin? ¿Ma takamayeja li xbe̱n kalal re xtojbal rix li kama̱c?

Hageo 2:14

Quichakꞌoc laj Hageo ut quixye reheb: —Joꞌcan eb ajcuiꞌ li tenamit aꞌin chicuu, chan li nimajcual Dios. —Chixjunil li cꞌaꞌru nequeꞌxba̱nu ut li cꞌaꞌru nequeꞌxmayeja chicuu ac muxbil ru, chan.

2 Samuel 15:12

Nak laj Absalón yo̱ chi mayejac, quixtakla ajcuiꞌ xbokbal laj Ahitofel saꞌ li tenamit Gilo. Laj Ahitofel, aꞌan xcomoneb li nequeꞌqꞌuehoc xnaꞌleb li rey David. Chi joꞌcan yo̱queb chi ta̱mc li nequeꞌta̱ken re laj Absalón ut yo̱queb chi cacuu̱c xchꞌo̱leb riqꞌuin li yo̱queb chixba̱nunquil.

1 Reyes 3:10

Li Ka̱cuaꞌ quicuulac chiru li cꞌaꞌru quixtzꞌa̱ma laj Salomón.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Daniel 9:23

Chalen nak xatiquib tzꞌa̱ma̱nc chiru li Dios, aꞌan xrabi la̱ tij ut tixba̱nu li cꞌaꞌru xatzꞌa̱ma. Joꞌcan nak xinixtakla chak a̱cuiqꞌuin chixyebal a̱cue lix ya̱lal. La̱at raro̱cat xban li Dios. Chacuabi li tinye a̱cue re nak ta̱tau ru lix ya̱lal li quicꞌutbesi̱c cha̱cuu xban li Ka̱cuaꞌ.

Miqueas 6:6

¿Cꞌaꞌru ta̱ru̱k takaqꞌue re li Ka̱cuaꞌ ut chanru nak takaqꞌue xlokꞌal li nimajcual Dios? ¿Ma ta̱ru̱k takamayeja li cꞌatbil mayej chiru malaj junak li cuacax toj jun chihab cuan re?

Malaquías 1:10

Li Ka̱cuaꞌ li nimajcual Dios quixye: —Us raj cuan ta junak e̱re tixtzꞌap raj xpuertil lin templo re nak ma̱ ani chic ta̱oc aran chixtzꞌabbal li xam saꞌ xbe̱n lin artal chi ma̱cꞌaꞌ rajbal. La̱in incꞌaꞌ sa saꞌ inchꞌo̱l e̱riqꞌuin ut incꞌaꞌ chic tincꞌul li nequemayeja chicuu.