Proverbios 15:4 - Li Santil hu

⁴ Li ani naa̱tinac saꞌ tu̱lanil chanchan li cheꞌ re junelic yuꞌam xban nak naxtenkꞌa saꞌ lix yuꞌam li ani na-abin re. Abanan li incꞌaꞌ us naa̱tinac naxqꞌue chi rahocꞌ xchꞌo̱l li na-abin re li cꞌaꞌru naxye.

Q'eqchi Bible

⁴ Li q'unil aatin, a'an chanchan li che' re li yu'am; a'ut li b'alaq'il aatin narahob'tesink ch'oolej.

Proverbios 15:4 ပူးပေါင်းရင်းမြစ်များ

Proverbios 12:18

Cuanqueb li nequeꞌa̱tinac chi incꞌaꞌ nequeꞌxcꞌoxla li cꞌaꞌru nequeꞌxye. Ut li a̱tin li nequeꞌxye ra nanak cuiꞌ. Abanan li a̱tin li nequeꞌxye li cuanqueb xnaꞌleb, aꞌan naxcꞌojob xchꞌo̱l li ani ra saꞌ xchꞌo̱l.

Proverbios 16:24

Li cha̱bil a̱tin, aꞌan chanchan li xyaꞌal cab. Sa xtzacanquil ut naxqꞌue xcacuilal li katibel.

Proverbios 18:8

Li ticꞌtiꞌ, aꞌan chanchan li cocꞌ cab chiruheb li nequeꞌcuulac chiru ticꞌtiꞌic chirix li ras ri̱tzꞌin. Abanan ra nanak cuiꞌ li cꞌaꞌru nequeꞌxye.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Proverbios 3:18

Cui cuan e̱naꞌleb, naru nacuan e̱yuꞌam chi junelic. Us xak re li ani naxnau xxocbal saꞌ xchꞌo̱l li naꞌleb aꞌin.

Proverbios 18:14

Li ani yaj tixcacuubresi xchꞌo̱l. Aꞌan ta̱tenkꞌa̱nk re chi cacuu̱c. Abanan junak li yaj incꞌaꞌ cau xchꞌo̱l, ¿ani ta̱ru̱k ta̱tenkꞌa̱nk re chi cacuu̱c?

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

1 Timoteo 6:3

Cuan li nequeꞌcꞌutuc re jalan tijleb li moco ya̱l ta. Moco nequeꞌxpa̱b ta li ya̱l li quixcꞌut chiku li Ka̱cuaꞌ Jesucristo. Jalan cuiꞌ lix pa̱ba̱leb.

Proverbios 26:22

Li ticꞌtiꞌ, aꞌan chanchan li cocꞌ cab chiruheb li nequeꞌcuulac chiru ticꞌtiꞌic chirix li ras ri̱tzꞌin. Abanan ra nanak cuiꞌ li cꞌaꞌru li nequeꞌxye.

Salmos 109:22

Kꞌaxal ra cuanquin ut tenkꞌa̱c tincuaj. Yo̱ chi yotꞌecꞌ inchꞌo̱l ut incꞌaꞌ chic nincuy nak nacuecꞌa.

Proverbios 15:3

Li Ka̱cuaꞌ cuan yalak bar ut yo̱ chixqꞌuebal retal li cꞌaꞌru yo̱queb li cha̱bileb xnaꞌleb joꞌ ajcuiꞌ li incꞌaꞌ useb xnaꞌleb.

Proverbios 15:5

Li ani ma̱cꞌaꞌ xnaꞌleb naxtzꞌekta̱na lix kꞌusbal naqꞌueheꞌ xban lix yucuaꞌ. Abanan li se̱b xchꞌo̱l naxqꞌue saꞌ xchꞌo̱l lix kꞌusbal.

Proverbios 10:11

Li a̱tin li naxye li ti̱c xchꞌo̱l, aꞌan natenkꞌan re li junju̱nk chixtaubal li cha̱bil yuꞌam. Abanan li incꞌaꞌ useb xnaꞌleb mem teꞌcana̱k nak ta̱cha̱lk li raylal saꞌ xbe̱neb.