Proverbios 15:32 - Li Santil hu

³² Li ani incꞌaꞌ naxqꞌue saꞌ xchꞌo̱l lix kꞌusbal, aꞌan xjunes naxtzꞌekta̱na rib. Abanan li ani naxqꞌue saꞌ xchꞌo̱l lix kꞌusbal naxtau xnaꞌleb.

Q'eqchi Bible

³² Li ink'a' naraj q'use'k, ink'a' naxra rib'; a'ut li naxk'e sa' xch'ool li xq'usb'al, naxtaw xna'leb'.

Proverbios 15:32 ပူးပေါင်းရင်းမြစ်များ

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Proverbios 1:7

Li ani ta̱raj ta̱cua̱nk xnaꞌleb, tento nak tixxucua ru li Ka̱cuaꞌ. Eb li ma̱cꞌaꞌeb xnaꞌleb nequeꞌxtzꞌekta̱na li cha̱bil naꞌleb ut nequeꞌxtzꞌekta̱na ajcuiꞌ lix kꞌusbaleb.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Proverbios 18:15

Li cuanqueb xnaꞌleb ut li se̱beb xchꞌo̱l nequeꞌxsicꞌ xtzꞌakob lix naꞌleb ut nequeꞌxtau.

Santiago 1:22

Chepa̱bak ut cheba̱nuhak li cꞌaꞌru naxye li ra̱tin li Dios. Me̱balakꞌi e̱rib chixcꞌoxlanquil nak tzꞌakal riqꞌuin caꞌaj cuiꞌ rabinquil li ra̱tin. Tento ban ajcuiꞌ xba̱nunquil li naxye li ra̱tin li Dios.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Proverbios 17:16

¿Cꞌaꞌru aj e nak cua̱nk xtumin li ma̱cꞌaꞌ xnaꞌleb? Ma̱cꞌaꞌ aj e xban nak moco naru ta tixlokꞌ xnaꞌleb riqꞌuin lix tumin.

Proverbios 15:21

Li ani ma̱cꞌaꞌ xnaꞌlebeb saheb saꞌ xchꞌo̱l nak ma̱cꞌaꞌeb xnaꞌleb. Abanan li se̱b xchꞌo̱leb nequeꞌxqꞌue retal chi us li cꞌaꞌru nequeꞌxba̱nu.

Proverbios 15:14

Li ani naxtau xya̱lal naxsicꞌ li cha̱bil naꞌleb. Abanan li ma̱cꞌaꞌeb xnaꞌleb junes li to̱ntil naꞌleb nequeꞌxsicꞌ.

Salmos 50:17

Incꞌaꞌ nacuulac che̱ru nak nequexinkꞌus chi moco nequeqꞌue xcuanquil li cua̱tin.

Deuteronomio 21:20

Teꞌxye reheb li nequeꞌcꞌamoc be, “Li al aꞌin naxkꞌetkꞌeti rib chiku. Incꞌaꞌ na-abin chiku ut incꞌaꞌ naxpa̱b lix kꞌusbal. Junes cuaꞌac naraj ut aj calajenak.”

Deuteronomio 21:18

Ma̱re cua̱nk junak cui̱nk cua̱nk junak ralal li incꞌaꞌ na-abin. Naxkꞌetkꞌeti ban rib. Usta nakꞌuseꞌ, incꞌaꞌ naxcꞌul lix kꞌusbal xbaneb lix naꞌ xyucuaꞌ.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

Proverbios 13:18

Li ani incꞌaꞌ naxqꞌue saꞌ xchꞌo̱l lix kꞌusbal tixcꞌut xxuta̱n ut ta̱cana̱k saꞌ nebaꞌil. Abanan li ani tixqꞌue saꞌ xchꞌo̱l lix kꞌusbal, ta̱qꞌuehekꞌ xlokꞌal.

Proverbios 15:5

Li ani ma̱cꞌaꞌ xnaꞌleb naxtzꞌekta̱na lix kꞌusbal naqꞌueheꞌ xban lix yucuaꞌ. Abanan li se̱b xchꞌo̱l naxqꞌue saꞌ xchꞌo̱l lix kꞌusbal.

Proverbios 15:31

Li ani narabi lix kꞌusbal cha̱bil ta̱cua̱nk. Ut ta̱cua̱nk xnaꞌaj saꞌ xya̱nkeb li cuanqueb xnaꞌleb.

Proverbios 15:33

Li ani naxxucua ru li Ka̱cuaꞌ naxtau xnaꞌleb. Ut li ani ta̱raj ta̱qꞌuehekꞌ xlokꞌal tento tixcubsi rib.

Eclesiastés 7:5

Kꞌaxal us nak tokꞌusekꞌ xbaneb li cuanqueb xnaꞌleb chiru nak ta̱qꞌuehekꞌ kalokꞌal xbaneb li ma̱cꞌaꞌeb xnaꞌleb.

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Proverbios 10:17

Li ani naxqꞌue saꞌ xchꞌo̱l lix tijbal tixtau li cha̱bil yuꞌam. Ut li ani incꞌaꞌ naxqꞌue saꞌ xchꞌo̱l lix tijbal ta̱sachk.

Proverbios 19:20

Kꞌaxal us nak te̱cꞌu̱luban le̱ naꞌleb li ta̱qꞌuehekꞌ e̱re ut te̱qꞌue saꞌ e̱chꞌo̱l le̱ kꞌusbal. Chi joꞌcan cua̱nk e̱naꞌleb toj saꞌ e̱ti̱xilal.