Proverbios 15:30 - Li Santil hu

³⁰ Li ani seꞌse na-iloc naxqꞌue sahil chꞌo̱lej. Ut li cha̱bil esilal naqꞌuehoc cacuilal.

Q'eqchi Bible

³⁰ Li se'se' na'ilok naxk'e sahil ch'oolej, ut li chaab'il esilal nak'ehok kawil ch'oolej.

Proverbios 15:30 ပူးပေါင်းရင်းမြစ်များ

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

Proverbios 25:25

Li cha̱bil esilal li nachal chak saꞌ najtil naꞌajej naxqꞌue xsahil chꞌo̱lej joꞌ li cha̱bil haꞌ li narucꞌ li ta̱chakik re.

Apocalipsis 22:5

Aran ma̱cꞌaꞌak chic kꞌojyi̱n. Joꞌcan nak incꞌaꞌ chic ta̱cꞌanjelak reheb li sakꞌe chi moco li candil. Li Ka̱cuaꞌ Dios, aꞌan chic li ta̱cutanobresi̱nk reheb. Ut teꞌcua̱nk aran chi kꞌaxal sa saꞌ xchꞌo̱leb. Chanchanakeb chic rey.

Apocalipsis 21:23

Ma̱cꞌaꞌ li sakꞌe aran ut ma̱cꞌaꞌ li po xban nak li Dios cuan aran ut lix lokꞌal li Dios nacutanobresin re. Ut lix lokꞌal li Jun li chanchan carner nacutanobresin re li tenamit.

Eclesiastés 11:7

Relic chi ya̱l nak kꞌaxal us nak yoꞌyo̱ko saꞌ ruchichꞌochꞌ ut yo̱ko chirilbal li cutan.

Proverbios 17:22

Junak cristian sa saꞌ xchꞌo̱l, aꞌan naxqꞌue sahil chꞌo̱lej joꞌ li cha̱bil ban. Abanan junak cristian ra saꞌ xchꞌo̱l, aꞌan naxqꞌue xrahil xchꞌo̱l li ras ri̱tzꞌin joꞌ junak yajel.

Proverbios 13:9

Li ti̱queb xchꞌo̱l cuanqueb xyuꞌam chi junelic. Chanchan li saken. Abanan eb li incꞌaꞌ useb xnaꞌleb incꞌaꞌ teꞌcua̱nk xyuꞌam. Teꞌsachekꞌ ban. Chanchan nak nachup lix xameb.

Salmos 89:15

Us xak reheb li tenamit li nequeꞌxnau xqꞌuebal a̱lokꞌal. Us xak reheb li nequeꞌxba̱nu li cꞌaꞌru nacacꞌut chiruheb, at nimajcual Dios.

Esdras 9:8

Abanan anakcuan, at Ka̱cuaꞌ, at kaDios, la̱at xacuil xtokꞌoba̱l ku ut xoa̱col la̱o la̱ cualal a̱cꞌajol li joꞌ qꞌuial chic xocana. Xaqꞌue kanaꞌaj saꞌ li santil naꞌajej bar ma̱cꞌaꞌ na-oc ke. La̱at nacacutanobresi li kabe ut xoa̱qꞌue chi hila̱nc junpa̱t.

Proverbios 3:8

Cui te̱canab xba̱nunquil li ma̱usilal, kꞌaxal us chokꞌ e̱re. Chanchan nak yo̱kex chixcꞌulbal le̱ ban xban nak cua̱nk chic e̱metzꞌe̱u ut e̱cacuilal.

Proverbios 15:29

Li Ka̱cuaꞌ incꞌaꞌ narabi lix tijeb li incꞌaꞌ useb xnaꞌleb. Abanan eb li ti̱queb xchꞌo̱l, li Ka̱cuaꞌ narabi lix tijeb.

Proverbios 15:31

Li ani narabi lix kꞌusbal cha̱bil ta̱cua̱nk. Ut ta̱cua̱nk xnaꞌaj saꞌ xya̱nkeb li cuanqueb xnaꞌleb.

Proverbios 12:25

Li rahil chꞌo̱lej natacuasin, abanan li cha̱bil a̱tin naxqꞌue sahil chꞌo̱lej.