Proverbios 15:25 - Li Santil hu

²⁵ Li Ka̱cuaꞌ naxsach ru lix jun cablaleb li nequeꞌxkꞌetkꞌeti ribeb. Ut naxcol rix li cꞌaꞌru cuan reheb li xma̱lcaꞌan.

Q'eqchi Bible

²⁵ Li Qaawa' naxjuk' li xjunkab'al li q'etq'et, ab'an naxk'aak'ale li xch'och' li xmalka'an.

Proverbios 15:25 ပူးပေါင်းရင်းမြစ်များ

Salmos 146:9

Li nimajcual Dios narileb li jalaneb xtenamit. Ut narileb ajcuiꞌ li ma̱cꞌaꞌ xnaꞌ xyucuaꞌeb. Ut aꞌan ajcuiꞌ na-iloc reheb li xma̱lcaꞌan. Abanan li Dios naxsach ru li cꞌaꞌru nequeꞌxcꞌoxla xba̱nunquil eb li incꞌaꞌ useb xnaꞌleb.

Proverbios 23:10

Li xlaje li naꞌleb, aꞌan aꞌin: Incꞌaꞌ te̱jal xnaꞌaj li nuba̱l li ac qꞌuebil najter, chi moco te̱chap xchꞌochꞌeb li ma̱cꞌaꞌeb xnaꞌ xyucuaꞌ,

Proverbios 14:11

Eb li incꞌaꞌ useb xnaꞌleb teꞌsachekꞌ ru lix jun cablaleb. Abanan lix jun cablaleb li cha̱bileb, us ta̱e̱lk.

Proverbios 12:7

Eb li incꞌaꞌ useb xnaꞌleb teꞌsachekꞌ ruheb ut teꞌosokꞌ chi junaj cua. Abanan eb li ti̱queb xchꞌo̱l cua̱nkeb chi junelic, joꞌ eb ajcuiꞌ li ralal xcꞌajol.

Santiago 1:27

Aban chiru li Acuabej Dios, li napa̱ban chi tzꞌakal ut ma̱cꞌaꞌ xpaltil, aꞌan li natenkꞌan reheb li nebaꞌ ut li xma̱lcaꞌan saꞌ lix raylaleb. Ut incꞌaꞌ naxba̱nu li ma̱usilal li nequeꞌxba̱nu li toj ma̱jiꞌ nequeꞌpa̱ban.

Daniel 5:20

Abanan qui-isi̱c saꞌ xcuanquil xban nak quixkꞌetkꞌeti rib ut quixcacuubresi lix chꞌo̱l. Xban lix kꞌetkꞌetil kꞌaxal cuiꞌchic quixnimobresi rib. Joꞌcan nak qui-isi̱c saꞌ xcuanquil ut qui-isi̱c ajcuiꞌ lix lokꞌal.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Salmos 138:6

Usta kꞌaxal nim la̱ cuanquil, abanan junelic nacacuil xtokꞌoba̱l ruheb li ma̱cꞌaꞌeb xcuanquil ut nacaqꞌue retal li cꞌaꞌru nequeꞌxba̱nu li nequeꞌxnimobresi ribeb.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Salmos 52:5

Abanan li Dios tixsach a̱cuu chi junaj cua. Tatrisi saꞌ la̱ cuochoch ut tatxcamsi.

Deuteronomio 19:14

Ut incꞌaꞌ naru te̱jal li nuba̱l re lix chꞌochꞌ le̱ ras e̱ri̱tzꞌin li quixakaba̱c junxil saꞌ li naꞌajej li tixqꞌue e̱re li Ka̱cuaꞌ le̱ Dios re texcua̱nk cuiꞌ.

Salmos 52:1

Li rusilal li Dios cuan chi junelic. La̱at, li nacacuecꞌa nak nim a̱cuanquil, ¿cꞌaꞌut nak nacanimobresi a̱cuib xba̱nunquil li incꞌaꞌ us?

Proverbios 15:26

Li Ka̱cuaꞌ xicꞌ naril li cꞌaꞌru nequeꞌxcꞌoxla li incꞌaꞌ useb xnaꞌleb. Abanan nacuulac chiru li cꞌaꞌru nequeꞌxcꞌoxla li ti̱queb xchꞌo̱l.

Li xHu LAJ JOB 24:21

Eb li incꞌaꞌ useb xnaꞌleb nequeꞌxrahobtesi li ixk li incꞌaꞌ nequeꞌqꞌuiresin ut ma̱ jun sut nequeꞌxtenkꞌaheb li xma̱lcaꞌan.

Salmos 10:14

La̱at nacacuil li ma̱usilal nequeꞌxba̱nu ut la̱at ajcuiꞌ tatqꞌuehok reheb chixtojbaleb xma̱c. Li nequeꞌcꞌuluc raylal nequeꞌxkꞌaxtesi rib saꞌ a̱cuukꞌ ut la̱at nacattenkꞌan reheb.

Isaías 1:17

Chetzol xba̱nunquil li us. Chesicꞌ li ti̱quilal. Chekꞌuseb li nequeꞌxrahobtesi ras ri̱tzꞌin. Cheba̱nuhak usilal reheb li nebaꞌ. Ut chetokꞌoba ruheb li xma̱lcaꞌan.

Jeremías 5:28

Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.