Proverbios 15:24 - Li Santil hu

²⁴ Li ani naxnau cꞌoxlac ta̱xic saꞌ choxa xban nak cuan saꞌ ti̱quilal. Ut tixcol rib chiru lix naꞌajeb li camenak.

Q'eqchi Bible

²⁴ Li xb'ehil li yu'am taqe'q naxik, ut naxkol li tiik xch'ool chiru li kamk.

Proverbios 15:24 ပူးပေါင်းရင်းမြစ်များ

Salmos 16:11

La̱in ninnau nak la̱at nacatcꞌutuc chicuu chanru nak tintau li junelic yuꞌam. Xban nak la̱at cuancat cuiqꞌuin, junelic sa saꞌ inchꞌo̱l. Caꞌaj cuiꞌ a̱cuiqꞌuin cuan li sahil chꞌo̱lej.

Filipenses 3:20

Abanan la̱o nococꞌoxlac chirix li cuan saꞌ choxa xban nak la̱o reho chic li tzꞌakal Dios ut yo̱co chiroybeninquil nak tol-e̱lk cuiꞌchic li Ka̱cuaꞌ Jesucristo laj Colol ke.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Mateo 7:14

Abanan li oqueba̱l ut li be li naxic saꞌ li junelic yuꞌam, aꞌan caꞌchꞌin ru ut incꞌaꞌ qꞌuiheb li nequeꞌoc aran.

Jeremías 21:8

Ut ta̱ye ajcuiꞌ reheb li tenamit nak la̱in li Ka̱cuaꞌ ninye chi joꞌcaꞌin: La̱in texincanab re te̱sicꞌ li cꞌaꞌru te̱raj xba̱nunquil. ¿Ma te̱raj ca̱mc malaj ut toj te̱raj cua̱nc chi yoꞌyo?

Proverbios 23:14

Te̱qꞌue chi tzꞌu̱m. Chi joꞌcan yo̱kex chixcolbal chiru li sachc.

Proverbios 7:27

Li rochoch li ixk aꞌan, chanchan lix naꞌajeb li camenak. Cui la̱ex texxic aran, chanchan yo̱quex chi xic saꞌ xbehil li ca̱mc.

Proverbios 6:23

Relic chi ya̱l nak li kachakꞌrabinquil ut li katijbal aꞌan naxcutanobresi li kacꞌaꞌux. Li kakꞌusbal naxqꞌue kanaꞌleb re nak takanau chanru nak tocua̱nk.

Proverbios 5:5

Li cꞌaꞌru naxba̱nu li ixk aꞌan, caꞌaj cuiꞌ li ca̱mc naxqꞌue. Ut aꞌan nacꞌamoc re saꞌ xbalba.

Proverbios 2:18

Li ani naxic saꞌ li rochoch li ixk aꞌan, ac chꞌolchꞌo nak yo̱ chi xic saꞌ xbehil li ca̱mc.

Proverbios 9:8

Ma̱qꞌue xnaꞌleb li ani naxhob ras ri̱tzꞌin xban xkꞌetkꞌetil xban nak aꞌan xicꞌ chic tatril. Abanan cui ta̱qꞌue xnaꞌleb li naxnau cꞌoxlac, aꞌan tatxra.

Salmos 139:24

Chaqꞌue taxak retal ma cuan li ma̱usilal yo̱quin chixba̱nunquil. China̱beresi re nak toxintau li junelic yuꞌam.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.