Proverbios 15:14 - Li Santil hu

¹⁴ Li ani naxtau xya̱lal naxsicꞌ li cha̱bil naꞌleb. Abanan li ma̱cꞌaꞌeb xnaꞌleb junes li to̱ntil naꞌleb nequeꞌxsicꞌ.

Q'eqchi Bible

¹⁴ Li seeb' xk'a'uxl naxsik' li chaab'il na'leb'; a'ut li jip junes memil na'leb' naxsik'.

Proverbios 15:14 ပူးပေါင်းရင်းမြစ်များ

Proverbios 9:9

Cui ta̱qꞌue xnaꞌleb junak li naxnau cꞌoxlac, aꞌan kꞌaxal cuiꞌchic tixtau xnaꞌleb. Chꞌolob xya̱lal chiru li ani cha̱bil ut aꞌan tixtzol rib chi us.

Isaías 30:10

Nequeꞌxye reheb li profeta: —Micꞌuteꞌ chic li visión che̱ru. Me̱ye chic ke cꞌaꞌru us takaba̱nu. Ye ban ke li chꞌinaꞌus rabinquil, usta moco ya̱l ta.

Proverbios 18:15

Li cuanqueb xnaꞌleb ut li se̱beb xchꞌo̱l nequeꞌxsicꞌ xtzꞌakob lix naꞌleb ut nequeꞌxtau.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Hechos 17:11

Eb li cuanqueb aran Berea kꞌaxal kꞌuneb xchꞌo̱l chiruheb li cuanqueb Tesalónica. Queꞌxcꞌul chi sa saꞌ xchꞌo̱leb li ra̱tin li Dios li yo̱ chixyebal laj Pablo. Ut rajlal cutan queꞌxtzol saꞌ li Santil Hu re rilbal ma joꞌcan tana naxye.

Proverbios 1:5

Li ani cuan xnaꞌleb ut se̱b xchꞌo̱l chixqꞌuehak retal li a̱tin aꞌin re nak tixtau xtzꞌakob lix naꞌleb.

Oseas 12:1

Chanchan yal ikꞌ nataklan reheb laj Efraín xban nak ma̱cꞌaꞌ na-oc cuiꞌ li nequeꞌxba̱nu. Chanchan li ikꞌ nachal saꞌ releb sakꞌe bar cuanqueb cuiꞌ laj Asiria. Nanumta li ticꞌtiꞌ ut li ma̱usilal li nequeꞌxba̱nu. Nequeꞌxba̱nu li contrato riqꞌuineb laj Asiria ut nequeꞌxtakla lix aceite aran Egipto.

Isaías 44:20

Chanchan nak naxcuaꞌ li cha. Naxqꞌue rib chi balakꞌi̱c. Incꞌaꞌ naru tixcol rib chiru li ticꞌtiꞌ. Incꞌaꞌ naru tixye, “moco dios ta li cuan saꞌ lin nim ukꞌ.”

Salmos 119:100

La̱in chic cuan innaꞌleb chi us chiruheb li ti̱xeb xban nak la̱in ninba̱nu li cꞌaꞌru naxye saꞌ la̱ chakꞌrab.

Salmos 119:97

At Ka̱cuaꞌ, cꞌajoꞌ nak ninra la̱ cua̱tin, ut junes aꞌan nincꞌoxla nanumeꞌ li cutan.

Proverbios 12:23

Li ani cuan xnaꞌleb incꞌaꞌ naxnimobresi rib xban nak cuan xnaꞌleb: Abanan li ma̱cꞌaꞌeb xnaꞌleb nequeꞌxcꞌutbesi nak ma̱cꞌaꞌ xnaꞌleb.

Proverbios 15:15

Li rahobtesinbileb, chixjunil incꞌaꞌ na-el chi us chiruheb. Abanan eb li saheb saꞌ xchꞌo̱l chixjunil us na-el chiruheb.