Proverbios 15:13 - Li Santil hu

¹³ Li sa saꞌ xchꞌo̱l seꞌse na-iloc. Li ani ra saꞌ xchꞌo̱l saꞌ xnakꞌ ru nacꞌutun nak ra saꞌ xchꞌo̱l.

Q'eqchi Bible

¹³ Li sahil ch'oolej ut li rahil ch'oolej nak'utunk chi xnaq' uhej.

Proverbios 15:13 ပူးပေါင်းရင်းမြစ်များ

Proverbios 17:22

Junak cristian sa saꞌ xchꞌo̱l, aꞌan naxqꞌue sahil chꞌo̱lej joꞌ li cha̱bil ban. Abanan junak cristian ra saꞌ xchꞌo̱l, aꞌan naxqꞌue xrahil xchꞌo̱l li ras ri̱tzꞌin joꞌ junak yajel.

San Juan 14:1

Misach e̱chꞌo̱l chi cꞌoxlac. Chepa̱b li Dios ut chine̱pa̱b ajcuiꞌ la̱in.

Proverbios 18:14

Li ani yaj tixcacuubresi xchꞌo̱l. Aꞌan ta̱tenkꞌa̱nk re chi cacuu̱c. Abanan junak li yaj incꞌaꞌ cau xchꞌo̱l, ¿ani ta̱ru̱k ta̱tenkꞌa̱nk re chi cacuu̱c?

Proverbios 12:25

Li rahil chꞌo̱lej natacuasin, abanan li cha̱bil a̱tin naxqꞌue sahil chꞌo̱lej.

Proverbios 15:15

Li rahobtesinbileb, chixjunil incꞌaꞌ na-el chi us chiruheb. Abanan eb li saheb saꞌ xchꞌo̱l chixjunil us na-el chiruheb.

2 Corintios 7:10

Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

2 Corintios 2:7

Us cui te̱cuy xma̱c anakcuan ut te̱cꞌojob xchꞌo̱l xban nak naru nachꞌinan cuiꞌchic xchꞌo̱l.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Nehemías 2:2

Ut li rey quixye cue: —¿Cꞌaꞌut nak kꞌaxal ra saꞌ a̱chꞌo̱l? La̱at moco yajat ta. ¿Cꞌaꞌru na-oc a̱cue? Ma̱re cuan junak chꞌaꞌajquilal yo̱ cuiꞌ a̱cꞌaꞌux, chan. La̱in cꞌajoꞌ nak qui-oc inxiu nak quixye cue chi joꞌcan li rey.

Proverbios 14:30

Li ani ma̱cꞌaꞌ naxcꞌoxla sa cuan lix yuꞌam ut cuan xcacuilal. Abanan li ani nacakalin incꞌaꞌ nacuan chi sa saꞌ xchꞌo̱l. Ut naxqꞌue ajcuiꞌ xyajel lix tibel.