Proverbios 15:11 - Li Santil hu

¹¹ Li Ka̱cuaꞌ naxnau chixjunil li cꞌaꞌru cuan saꞌ lix naꞌajeb li camenak ut li xbalba. ¿Ma tojaꞌ ta chic incꞌaꞌ tixnau li cꞌaꞌru cuan saꞌ xchꞌo̱l li junju̱nk?

Q'eqchi Bible

¹¹ Wi li Qaawa' naxnaw k'aru wank sa' li xna'ajeb' li kamenaq, ma toja' ta chik sa' li qak'a'uxl?

Proverbios 15:11 ပူးပေါင်းရင်းမြစ်များ

Salmos 44:21

la̱at xanau raj ajcuiꞌ xban nak ma̱cꞌaꞌ mukmu cha̱cuu. La̱at nacanau chixjunil.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Salmos 139:8

Cui tinxic saꞌ choxa, aran cuancat la̱at. Ut cui tinxic saꞌ xnaꞌajeb li camenak aran ajcuiꞌ cuancat chak la̱at. Yalak bar tinxic, la̱at cua̱nkat aran.

Li xHu LAJ JOB 26:6

Lix naꞌajeb li camenak moco mukmu ta nak cuan chiru li Dios. Chiru aꞌan ma̱cꞌaꞌ mukmu.

2 Crónicas 6:30

Ut la̱at ta̱cuabi lix tijeb toj saꞌ li choxa li cuancat cuiꞌ chak. Ut ta̱cuy xma̱queb. La̱at tatrakok a̱tin saꞌ xbe̱neb aꞌ yal chanru lix naꞌlebeb cha̱cuu. La̱at nacanau cꞌaꞌru cuan saꞌ li ra̱meb xban nak la̱at nacanau cꞌaꞌru cuan saꞌ lix cꞌaꞌuxeb li cuanqueb saꞌ li ruchichꞌochꞌ.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Apocalipsis 1:18

La̱in yoꞌyo̱quin. La̱in quincam, abanan yoꞌyo̱quin chic chi junelic kꞌe cutan. La̱in cuan incuanquil saꞌ xbe̱n li ca̱mc. Ut la̱in ajcuiꞌ yal cue saꞌ xbe̱n li naꞌajej li nequeꞌxic cuiꞌ li camenak.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Proverbios 27:20

Li xbalba ut li mukleba̱l ma̱ jokꞌe nequeꞌnujac riqꞌuin li joꞌ qꞌuial nequeꞌxcꞌul. Joꞌcaneb ajcuiꞌ li cristian. Incꞌaꞌ nequeꞌcꞌojla xchꞌo̱l riqꞌuin li joꞌ qꞌuial cuan reheb. Toj nequeꞌxrahi ru xtzꞌakob.

Salmos 7:9

At inDios, kꞌaxal ti̱c a̱chꞌo̱l. La̱at nacanau lix cꞌaꞌux li junju̱nk ut nacanau li cꞌaꞌru nanumeꞌ saꞌ xchꞌo̱leb. Charam chiruheb li ma̱usilal li nequeꞌxba̱nu li incꞌaꞌ useb xnaꞌleb. Ut chaqꞌue xcacuilal xchꞌo̱l li cha̱bileb xnaꞌleb.

1 Samuel 16:7

Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

Hechos 1:24

Ut queꞌoc chi tijoc ut queꞌxye: —At Ka̱cuaꞌ, la̱at nacanau chanru li ra̱m li junju̱nk. Joꞌcan nak nakatzꞌa̱ma cha̱cuu nak ta̱cꞌutbesi chiku ani reheb li cuib aꞌin ta̱sicꞌ ru re ta̱cana̱k chi cꞌanjelac chokꞌ re̱kaj laj Judas.

Apocalipsis 9:11

Cuan jun li nataklan saꞌ xbe̱neb. Aꞌan li ángel li kꞌaxal nim xcuanquil chi takla̱nc saꞌ li chamal jul. Aj Abadón xcꞌabaꞌ saꞌ li a̱tinoba̱l hebreo, ut saꞌ griego aj Apolión xcꞌabaꞌ. (Chi jalbil ru li cꞌabaꞌej aꞌin naraj naxye “aj sachonel”.)

Proverbios 15:10

Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.