Proverbios 15:10 - Li Santil hu

¹⁰ Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

Q'eqchi Bible

¹⁰ Li naxkanab' li chaab'il b'e taak'ajtesiiq ru; li naxtz'eqtaana li xq'usb'al, tixtaw li kamk.

Proverbios 15:10 ပူးပေါင်းရင်းမြစ်များ

Proverbios 12:1

Li ani naxqꞌue saꞌ xchꞌo̱l li xtijbal, aꞌan cuan xnaꞌleb. Ut li ani naxtzꞌekta̱na lix kꞌusbal, aꞌan ma̱cꞌaꞌ xnaꞌleb.

San Juan 3:20

Li ani nequeꞌxba̱nu li ma̱usilal, xicꞌ nequeꞌril lix ya̱lal. Incꞌaꞌ nacuulac chiruheb cua̱nc saꞌ xya̱lal xban nak incꞌaꞌ nequeꞌraj ta̱cꞌutu̱nk li ma̱usilal nequeꞌxba̱nu.

Proverbios 13:1

Li alalbej li cuan xnaꞌleb naxqꞌue saꞌ xchꞌo̱l lix kꞌusbal naqꞌueheꞌ xban lix yucuaꞌ. Abanan li alalbej li incꞌaꞌ naraj kꞌusecꞌ incꞌaꞌ naxqꞌue saꞌ xchꞌo̱l lix kꞌusbal.

Proverbios 10:17

Li ani naxqꞌue saꞌ xchꞌo̱l lix tijbal tixtau li cha̱bil yuꞌam. Ut li ani incꞌaꞌ naxqꞌue saꞌ xchꞌo̱l lix tijbal ta̱sachk.

San Juan 7:7

Eb li cuanqueb saꞌ ruchichꞌochꞌ xicꞌ niquineꞌril xban nak la̱in ninye reheb nak incꞌaꞌ us li yo̱queb chixba̱nunquil. Abanan la̱ex incꞌaꞌ xicꞌ nequex-ileꞌ xbaneb.

Proverbios 5:12

Ut te̱ye: —¿Cꞌaꞌut nak incꞌaꞌ xinqꞌue saꞌ inchꞌo̱l li kꞌusbal li quiqꞌueheꞌ cue? ¿Cꞌaꞌut nak xintzꞌekta̱na?

Proverbios 1:30

Incꞌaꞌ xeraj xcꞌulbal le̱ naꞌleb xinqꞌue e̱re. Xetzꞌekta̱na ban le̱ kꞌusbal li xinqꞌue.

1 Reyes 22:8

Ut lix reyeb laj Israel quixye re laj Josafat: —Cuan jun chic naru naxye ke cꞌaꞌru naraj li Dios. Li jun aꞌan, aꞌan laj Micaías, li ralal laj Imla. Abanan xicꞌ nacuil xban nak ma̱ jun sut naxye cue cha̱bil esilal. Junes incꞌaꞌ us naxye cue, chan. Abanan laj Josafat quixye re: —At rey, ma̱ye chi joꞌcan, chan.

1 Reyes 21:20

Nak laj Elías quicuulac aran, laj Acab quixye re: —At Elías, la̱at li xicꞌ nacat-iloc cue. Xina̱tau chixba̱nunquil li incꞌaꞌ us, chan. Ut laj Elías quixye re: —Ya̱l. Xatintau chixba̱nunquil li incꞌaꞌ us xban nak la̱at cꞌaynakat chixba̱nunquil li ma̱usilal chiru li Ka̱cuaꞌ.

1 Reyes 18:17

Nak laj Acab quiril ru laj Elías quixye re: —Arin peꞌ cuancat la̱at li yo̱cat chi qꞌuehoc raylal saꞌ xbe̱n li tenamit Israel, chan laj Acab.

Proverbios 23:35

Ut te̱ye: —Xineꞌxsacꞌ ut incꞌaꞌ xcuecꞌa. Xineꞌxsacꞌ ut incꞌaꞌ xinqꞌue retal jokꞌe xineꞌxsacꞌ. Nak ta̱aj cuu, tinxic cuiꞌchic chi ucꞌac, chaꞌkex.

Proverbios 1:25

Quetzꞌekta̱na ban le̱ naꞌleb li quinqꞌue. Incꞌaꞌ queraj xcꞌulbal le̱ kꞌusbal.

Proverbios 15:9

Li Ka̱cuaꞌ xicꞌ naril li cꞌaꞌru nequeꞌxba̱nu li incꞌaꞌ useb xnaꞌleb. Abanan naxraheb li nequeꞌxba̱nu li ti̱quilal.

Proverbios 15:11

Li Ka̱cuaꞌ naxnau chixjunil li cꞌaꞌru cuan saꞌ lix naꞌajeb li camenak ut li xbalba. ¿Ma tojaꞌ ta chic incꞌaꞌ tixnau li cꞌaꞌru cuan saꞌ xchꞌo̱l li junju̱nk?

Li xHu LAJ JOB 34:27

Eb aꞌan incꞌaꞌ queꞌabin chiru li Dios. Queꞌxcanab ban xba̱nunquil li cꞌaꞌru naraj.

Salmos 50:17

Incꞌaꞌ nacuulac che̱ru nak nequexinkꞌus chi moco nequeqꞌue xcuanquil li cua̱tin.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Ezequiel 33:9

Abanan cui ta̱ye re nak incꞌaꞌ us yo̱, ut aꞌan incꞌaꞌ na-abin cha̱cuu, li jun aꞌan ta̱ca̱mk. Abanan lix camic incꞌaꞌ ta̱cana̱k saꞌ a̱be̱n.