Proverbios 14:34 - Li Santil hu

³⁴ Junak li tenamit li cuan saꞌ ti̱quilal cuan xlokꞌal. Ut li tenamit li incꞌaꞌ nacuan saꞌ ti̱quilal xuta̱nal na-el.

Q'eqchi Bible

³⁴ Junaq tenamit li wank sa' tiikilal wank xloq'al, ut li maak a'an li xxutaan.

Proverbios 14:34 ပူးပေါင်းရင်းမြစ်များ

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Oseas 13:1

Nak nequeꞌa̱tinac li ralal xcꞌajol laj Efraín chixjunileb nequeꞌxucuac xbaneb. Qꞌuebil xcuanquileb saꞌ xya̱nkeb laj Israel. Abanan queꞌma̱cob nak queꞌxlokꞌoni laj Baal. Joꞌcan nak teꞌca̱mk.

Proverbios 14:33

Li ani nequeꞌxnau cꞌoxlac cuan xnaꞌlebeb. Ut eb li incꞌaꞌ nequeꞌxnau cꞌoxlac ma̱cꞌaꞌ li cha̱bil naꞌleb riqꞌuineb.

Proverbios 14:35

Junak li rey nasahoꞌ xchꞌo̱l riqꞌuin li mo̱s li cha̱bil xnaꞌleb. Abanan najoskꞌoꞌ riqꞌuin li mo̱s li yibru xnaꞌleb.

2 Crónicas 28:19

Xban nak laj Acaz lix reyeb laj Judá quixtzꞌekta̱na li Ka̱cuaꞌ ut quicꞌamoc be chiruheb laj Judá chi ma̱cobc, joꞌcan nak li Dios quixcubsi xcuanquileb laj Judá.

Proverbios 29:4

Li rey li nataklan saꞌ ti̱quilal naxtenkꞌa lix tenamit. Abanan li rey li junes tumin naxcꞌoxla, naxpoꞌ ru lix tenamit.