Proverbios 14:31 - Li Santil hu

³¹ Li ani naxba̱nu raylal re li nebaꞌ, xicꞌ naril li Dios li quiyi̱ban re. Abanan li ani natokꞌoban ru li nebaꞌ, aꞌan naxqꞌue xlokꞌal li Dios.

Q'eqchi Bible

³¹ Li natawasink li neb'a', naxmajewa laj Yoob'tesihom re; a'ut li na'uxtaanank ru, naxk'e xloq'al li Qaawa'.

Proverbios 14:31 ပူးပေါင်းရင်းမြစ်များ

Proverbios 22:2

Li biom ut li nebaꞌ juntakꞌe̱teb xban nak li Dios quiyi̱ban reheb.

Proverbios 22:16

Ta̱cuulak xkꞌehil nak ta̱nebaꞌokꞌ li ani nabiomoꞌ xban xrahobtesinquil li nebaꞌ. Ut li ani naxqꞌue xtumin re li biom ta̱cana̱k saꞌ nebaꞌil.

Proverbios 17:5

Li ani nequeꞌhoboc reheb li nebaꞌ, aꞌ li Dios li quiyi̱ban reheb nequeꞌxhob. Ut li ani nasahoꞌ saꞌ xchꞌo̱l chirilbal li raylal nequeꞌxcꞌul, aꞌan incꞌaꞌ ta̱cana̱k chi incꞌaꞌ teꞌxtoj xma̱c.

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

1 Juan 4:21

Aꞌin li chakꞌrab quixqꞌue ke li Jesucristo: Li ani naxra li Dios, tento ajcuiꞌ nak tixra lix herma̱n.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

San Juan 12:8

Li nebaꞌ junelic cua̱nkeb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta chi junelic e̱riqꞌuin, chan li Jesús.

Proverbios 14:21

Li ani naxtzꞌekta̱na li ras ri̱tzꞌin nama̱cob. Us xak re li ani naril xtokꞌoba̱l ru li nebaꞌ.

Levítico 25:17

Me̱balakꞌi e̱rib chi ribil e̱rib. Chexucua ban cuu la̱in li Ka̱cuaꞌ le̱ Dios.

Deuteronomio 24:14

Me̱rahobtesiheb le̱ mo̱s nebaꞌ li tenkꞌa̱c naraj, usta le̱ rech aj Israelil usta jalan xtenamit li cuan saꞌ e̱ya̱nk.

Li xHu LAJ JOB 24:4

Incꞌaꞌ nequeꞌxqꞌue saꞌ ruheb li nebaꞌ ut incꞌaꞌ nequeꞌcuan saꞌ ti̱quilal riqꞌuineb. Eb li nebaꞌ nequeꞌxmuk ribeb chiruheb xban xxiuheb.

Proverbios 28:8

Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Levítico 25:35

Cui junak le̱ rech tenamitil ta̱nebaꞌokꞌ ut tixtzꞌa̱ma xtenkꞌanquil e̱riqꞌuin, tento nak la̱ex te̱tenkꞌa re nak ta̱ru̱k ta̱cua̱nk saꞌ e̱ya̱nk. Te̱ba̱nu re joꞌ nequeba̱nu reheb li jalaneb xtenamit malaj ut li yal numecꞌ re, re nak ta̱ru̱k ta̱cua̱nk saꞌ e̱ya̱nk.