Proverbios 14:23 - Li Santil hu

²³ Li ani nacꞌanjelac naru nacuan cꞌaꞌru re. Abanan li ani junes a̱tinac naxba̱nu cuan saꞌ nebaꞌil.

Q'eqchi Bible

²³ Us na'elk li ani naxk'e xch'ool chi k'anjelak; a'ut li junes aatinak naxb'aanu, wank sa' neb'a'il.

Proverbios 14:23 ပူးပေါင်းရင်းမြစ်များ

Proverbios 28:19

Li ani naxtrabaji chi us lix chꞌochꞌ ta̱cua̱nk xtzacae̱mk chi nabal. Abanan li ani nacuulac chiru cua̱nc saꞌ xya̱nkeb li incꞌaꞌ nequeꞌtrabajic, aꞌan ma̱cꞌaꞌ ta̱cua̱nk re.

Proverbios 12:24

Li ani nacuulac chiru trabajic, aꞌan chic ta̱takla̱nk. Abanan li ani incꞌaꞌ nacuulac chiru trabajic, aꞌan ta̱cana̱k rubel xcuanquil li ani nataklan.

Eclesiastés 5:3

Incꞌaꞌ us nak yo̱kex chi cꞌoxlac chirix li cꞌaꞌak re ru, xban nak cui yo̱kex chi cꞌoxlac, yalak cꞌaꞌru tixcꞌut rib che̱ru saꞌ le̱ matcꞌ. Ut cui junes a̱tinac nequeba̱nu, yo̱quex chixba̱nunquil joꞌ nequeꞌxba̱nu li ma̱cꞌaꞌeb xnaꞌleb.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

Proverbios 10:10

Li ani naxmutzꞌ li xnakꞌ ru re xmukbal li ma̱usilal, nabal raylal ta̱cha̱lk saꞌ xbe̱n. Ut li ani naa̱tinac chi incꞌaꞌ naxqꞌue retal li cꞌaꞌru naxye, xjunes naxsach rib.

1 Timoteo 5:13

Ut joꞌ cuiꞌ anchal nequeꞌxtzol ribeb chi subuc cutan nak nequeꞌxic saꞌ li junju̱nk chi cab. Ut ma̱cuaꞌ caꞌaj cuiꞌ subuc cutan nequeꞌxba̱nu. Nequeꞌxtzol aj ban cuiꞌ li moloc a̱tin ut li qꞌuehoc etal ut nequeꞌxye li moco yehecꞌ ta naraj.

Proverbios 14:22

Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.

Proverbios 14:24

Lix lokꞌaleb li se̱beb xchꞌo̱l, aꞌan lix naꞌlebeb. Ut eb li ma̱cꞌaꞌeb xnaꞌleb, naꞌno̱queb ru xban lix to̱ntileb.

Li xHu LAJ JOB 28:10

Nequeꞌxbec li xni̱nkal jul saꞌ eb li pec ut aran nequeꞌxtau nabal pa̱y ru chi terto̱quil pec.

Eclesiastés 3:9

¿Ma cuan ta biꞌ cꞌaꞌru naxra li cui̱nk nak naxcamsi rib chi cꞌanjelac?