Proverbios 14:22 - Li Santil hu

²² Li ani junes li ma̱usilal naxcꞌoxla xba̱nunquil naxsach rib xjunes. Abanan eb li nequeꞌxba̱nu li us, teꞌrahekꞌ ut teꞌuxta̱na̱k ruheb.

Q'eqchi Bible

²² Li junes maa'usilal neke'xk'uub', xjuneseb' rib' te'sachq; eb' li neke'b'aanunk li usilal, raab'ileb' ut oxloq'inb'ileb'.

Proverbios 14:22 ပူးပေါင်းရင်းမြစ်များ

Proverbios 12:2

Li ani cha̱bil xnaꞌleb na-uxta̱na̱c ru xban li Dios. Ut li ani se̱b xchꞌo̱l chixba̱nunquil li incꞌaꞌ us ta̱qꞌuehekꞌ chixtojbal xma̱c xban li Dios.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Mateo 5:7

Us xak reheb li nequeꞌuxta̱nan u xban nak eb aꞌan teꞌuxta̱na̱k ruheb xban li Dios.

Proverbios 19:22

Cuan xsahil xchꞌo̱leb li nequeꞌuxta̱nan u. Joꞌcan nak kꞌaxal us li nebaꞌil chiru li balakꞌic.

Proverbios 14:17

Li ani najoskꞌoꞌ saꞌ junpa̱t incꞌaꞌ naxcꞌoxla chi us li cꞌaꞌru naxba̱nu. Ut li ani incꞌaꞌ us xnaꞌleb xicꞌ ta̱ilekꞌ.

Proverbios 3:29

Ut me̱cꞌoxla xba̱nunquil raylal reheb le̱ rechcabal, xban nak ma̱re cꞌojcꞌo xchꞌo̱l e̱riqꞌuin.

Salmos 61:7

Aꞌ taxak la̱ cuusilal chicua̱nk cuiqꞌuin chi junelic nak cua̱nkin chokꞌ rey. China̱cuil riqꞌuin xnimal la̱ cuuxta̱n ut la̱ ti̱quilal.

Salmos 25:10

Riqꞌuin cha̱bilal ut riqꞌuin rahoc li Ka̱cuaꞌ naxberesiheb li nequeꞌxba̱nu li cꞌaꞌru naxye saꞌ li contrato ut saꞌ lix chakꞌrab.

2 Crónicas 6:8

Ut li Dios quixye re laj David lin yucuaꞌ, “Us nak xacꞌoxla xyi̱banquil junak li templo re tineꞌxlokꞌoni cuiꞌ. Us xaba̱nu nak xacꞌoxla xyi̱banquil li templo.

Génesis 24:27

Quixye re li Dios: —Kꞌaxal nim la̱ cuanquilal. La̱at li Dios li naxlokꞌoni laj Abraham lin patrón. Junelic cuan saꞌ a̱chꞌo̱l ut nacaba̱nu li usilal re. La̱at xatcꞌamoc be chicuu. Joꞌcan nak xintau lix comoneb lin patrón, chan re li Ka̱cuaꞌ Dios.

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

Proverbios 3:3

Me̱canab xpa̱banquil li ya̱l. Junelic ban cua̱nk saꞌ e̱chꞌo̱l. Me̱canab li uxta̱na̱nc u. Junelic ban cua̱nkex saꞌ ti̱quilal re nak ta̱cꞌutu̱nk nak cha̱bil le̱ naꞌleb.

Proverbios 14:23

Li ani nacꞌanjelac naru nacuan cꞌaꞌru re. Abanan li ani junes a̱tinac naxba̱nu cuan saꞌ nebaꞌil.

Proverbios 24:8

Li ani junes li incꞌaꞌ us naxcꞌoxla xba̱nunquil, “aꞌan incꞌaꞌ us xnaꞌleb” ta̱yehekꞌ re.

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Josué 2:14

Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Proverbios 6:14

Junes ma̱usilal cuan saꞌ xchꞌo̱leb. Junelic yo̱queb xcꞌoxlanquil li ma̱usilal. Junes ticoc ple̱t nequeꞌxba̱nu.

Proverbios 12:26

Li ani ti̱c xchꞌo̱l naxtenkꞌa li ras ri̱tzꞌin chixtaubal li us. Abanan eb li incꞌaꞌ useb xnaꞌleb nequeꞌxqꞌue li ras ri̱tzꞌin chi tꞌanecꞌ.