Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Proverbios 14:2 - Li Santil hu

2 Li ani ti̱c xyuꞌam naxxucua ru li Ka̱cuaꞌ. Ut eb li incꞌaꞌ ti̱queb xchꞌo̱l nequeꞌxtzꞌekta̱na li Ka̱cuaꞌ.

အခန်းကိုကြည့်ပါ။ ကော်ပီ

Q'eqchi Bible

2 Li tiik ru xyu'am naroxloq'i li Qaawa'; li ink'a' tiik xch'ool naxtz'eqtaana li Qaawa'.

အခန်းကိုကြည့်ပါ။ ကော်ပီ




Proverbios 14:2
24 ပူးပေါင်းရင်းမြစ်များ  

Li ani naxxucua ru li Dios ut naxba̱nu li ti̱quilal aꞌ yal bar xtenamit, li jun aꞌan naraheꞌ xban li Dios.


Kꞌaxal us li cua̱nc saꞌ ti̱quilal, usta nebaꞌo, chiru nak cua̱nk kabiomal ut incꞌaꞌ usak kanaꞌleb.


Lokꞌoninbil taxak li Ka̱cuaꞌ. Us xak reheb li ani nequeꞌxucuan ru li Ka̱cuaꞌ. Us xak reheb li nequeꞌsahoꞌ saꞌ xchꞌo̱leb xba̱nunquil li cꞌaꞌru naxye lix chakꞌrab li Dios.


Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—


Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.


Riqꞌuin li a̱tin aꞌin tinrak li a̱tinac saꞌ li hu aꞌin: nak chexucua̱k ru li Dios ut cheba̱nuhak li cꞌaꞌru naxye saꞌ lix chakꞌrab xban nak aꞌin li kꞌaxal tento xba̱nunquil.


At Ka̱cuaꞌ, la̱at ti̱c la̱ chꞌo̱l ut cha̱bilat. China̱col xban nak caꞌaj cuiꞌ a̱cuiqꞌuin ninyoꞌoni.


Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.


Nak eb laj fariseo queꞌrabi li quixye li Jesús, queꞌoc chixseꞌenquil xban nak nequeꞌxra lix biomaleb.


Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.


Kꞌaxal us li cua̱nc saꞌ ti̱quilal usta nebaꞌako chiru nak incꞌaꞌ takatau kanaꞌleb ut ta̱cuulak chiku ticꞌtiꞌic.


Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.


Li ani ma̱cꞌaꞌ xnaꞌleb naxhob li ras ri̱tzꞌin. Ut li ani cuan xnaꞌleb incꞌaꞌ naxhob li ras ri̱tzꞌin.


Eb aꞌan incꞌaꞌ us lix naꞌlebeb xban nak nequeꞌxkꞌaxtesi rib chixba̱nunquil li incꞌaꞌ us.


Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.


Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.


Junxil nak nintijoc chiru li Dios, aꞌan narabi lin tij. Usta la̱in ti̱c inchꞌo̱l ut ma̱cꞌaꞌ inma̱c, eb li cuami̱g niquineꞌxseꞌe.


¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?


Toj chalen anakcuan nequeꞌxba̱nu joꞌ queꞌxba̱nu chak najter. Incꞌaꞌ nequeꞌxlokꞌoni li Ka̱cuaꞌ chi moco nequeꞌxba̱nu li chakꞌrab ut li xtaklanquil, chi moco nequeꞌxba̱nu li cꞌaꞌru quixye li Ka̱cuaꞌ reheb li ralal xcꞌajol laj Jacob, li quixqꞌue “aj Israel” chokꞌ xcꞌabaꞌ.


Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ