Proverbios 14:16 - Li Santil hu

¹⁶ Li ani cuan xnaꞌleb naxucuac. Joꞌcan nak incꞌaꞌ naxba̱nu li ma̱usilal. Abanan li ma̱cꞌaꞌ xnaꞌleb nabal li ma̱usilal naxba̱nu ut incꞌaꞌ naxucuac.

Q'eqchi Bible

¹⁶ Li wank xna'leb' nak'oxlak ut naxkol rib' chiru li ink'a' us; a'ut li maak'a' xna'leb' ink'a' naxiwak ut maak'a' naraj re.

Proverbios 14:16 ပူးပေါင်းရင်းမြစ်များ

Proverbios 22:3

Eb li cuanqueb xnaꞌleb nequeꞌxqꞌue retal li ma̱usilal ut nequeꞌxcol ribeb chiru. Abanan eb li ma̱cꞌaꞌeb xnaꞌleb nequeꞌxcꞌul li raylal nachal saꞌ xbe̱neb xban nak incꞌaꞌ nequeꞌxnau xqꞌuebal retal.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

1 Ts 5:22

Ut chetzꞌekta̱na chixjunil li ma̱usilal.

Proverbios 29:9

Cui li ani cuan xnaꞌleb naxcꞌam saꞌ rakleb a̱tin junak li ma̱cꞌaꞌ xnaꞌleb, li ani ma̱cꞌaꞌ xnaꞌleb junes hoboc naxba̱nu. Ma̱cꞌaꞌ naru xyi̱banquil ru riqꞌuin.

Proverbios 28:14

Us xak reheb li ani nequeꞌxxucua ru li Ka̱cuaꞌ. Abanan eb li cauheb xchꞌo̱l ut li incꞌaꞌ nequeꞌxtau xya̱lal, ra teꞌxcꞌul.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Génesis 42:18

Saꞌ rox li cutan laj José quixye reheb: —La̱in ninqꞌue xcuanquil li Dios. Te̱ba̱nu li cꞌaꞌru tinye e̱re re nak texcolekꞌ.

Génesis 33:9

Laj Esaú quixye: —Incꞌaꞌ. La̱in incꞌaꞌ naru tincꞌuleb li queto̱mk aꞌan. La̱at cui̱tzꞌin. Ut la̱in tzꞌakal ajcuiꞌ li cꞌaꞌru cue cuan. Li cꞌaꞌru xasi cue, cana̱k chokꞌ a̱cue, chan.

Proverbios 7:22

Ut saꞌ junpa̱t co̱ li al saꞌ rochoch li ixk. Chanchan li bo̱yx yo̱ chi cꞌamecꞌ re camsi̱c. Malaj ut chanchan li quej li oc re chi tꞌanecꞌ saꞌ li raꞌal.

Salmos 119:120

Cꞌajoꞌ nak ninxucuac nak nincꞌoxla chanru nak tatrakok a̱tin saꞌ xbe̱neb li incꞌaꞌ useb xnaꞌleb.

1 Reyes 20:18

Laj Ben-adad quixye: —Usta saꞌ xya̱lal xeꞌchal, usta chi pletic xeꞌchal, chapomakeb chi yoꞌyo, chan.

1 Reyes 19:2

Ut lix Jezabel quixtakla jun lix takl riqꞌuin li profeta Elías chixyebal re nak tixcamsi chi chꞌi̱chꞌ joꞌ quixba̱nu reheb lix profeta lix Jezabel. Quixye: —Chineꞌxcamsihak lin dios cui toj ma̱jiꞌ nacatcam saꞌ li ho̱nal aꞌin cuulaj, chan re laj Elías.

San Juan 9:40

Cuanqueb laj fariseo aran ut yo̱queb chirabinquil li quixye li Jesús. Eb aꞌan queꞌxye re li Jesús: —¿Ma mutzꞌo ta biꞌ la̱o nak nacacꞌoxla la̱at? chanqueb.

Eclesiastés 10:13

Li cui̱nk li ma̱cꞌaꞌ xnaꞌleb naxtiquib a̱tinac riqꞌuin to̱ntil naꞌleb. Ut nak narakeꞌ chi a̱tinac, kꞌaxal cuiꞌchic yibru li naxye.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Salmos 34:14

Me̱ba̱nu chic li ma̱usilal. Cheba̱nuhak ban li us ut cheqꞌuehak e̱chꞌo̱l chi cua̱nc saꞌ tuktu̱quil usilal.

Nehemías 5:15

Eb li queꞌcuan chi takla̱nc saꞌ xbe̱neb li tenamit nak toj ma̱jiꞌ nin-oc la̱in, kꞌaxal cuiꞌchic nabal li tumin queꞌxpatzꞌ reheb li tenamit. Rajlal cutan numenak caꞌcꞌa̱l chi tumin plata queꞌxpatzꞌ re xcuaheb ut xvino. Ut eb li nequeꞌcꞌanjelac chiruheb queꞌxrahobtesi li tenamit. Abanan la̱in incꞌaꞌ quinba̱nu chi joꞌcan xban nak ninxucua ru li Dios.

Proverbios 14:15

Li incꞌaꞌ naxnau cꞌoxlac naxpa̱b chixjunil li nayeheꞌ re. Abanan li naxnau cꞌoxlac naxqꞌue retal chi us li cꞌaꞌru naxba̱nu.

Proverbios 14:17

Li ani najoskꞌoꞌ saꞌ junpa̱t incꞌaꞌ naxcꞌoxla chi us li cꞌaꞌru naxba̱nu. Ut li ani incꞌaꞌ us xnaꞌleb xicꞌ ta̱ilekꞌ.

Números 22:27

Nak li bu̱r quiril cuiꞌchic lix ángel li Ka̱cuaꞌ, quixyocob rib saꞌ chꞌochꞌ chi toj cuan laj Balaam chirix. Cꞌajoꞌ nak quijoskꞌoꞌ laj Balaam ut qui-oc chixsacꞌbal lix bu̱r riqꞌuin cheꞌ.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

Proverbios 1:32

Eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌraj xcꞌulbal lix naꞌlebeb. Joꞌcaneb ajcuiꞌ li jip xchꞌo̱leb. Nequeꞌcam xban nak nequeꞌxtzꞌekta̱na li naꞌleb naqꞌueheꞌ reheb.