Proverbios 14:14 - Li Santil hu

¹⁴ Li ma̱cꞌaꞌeb xnaꞌleb cꞌojcꞌo̱queb xchꞌo̱l riqꞌuin li incꞌaꞌ us nequeꞌxba̱nu. Ut li cha̱bileb saheb saꞌ xchꞌo̱l riqꞌuin li us nequeꞌxba̱nu.

Q'eqchi Bible

¹⁴ Li maak'a' xna'leb' sa sa' xch'ool rik'in li maa'usilal naxb'aanu; li chaab'il xch'ool nasaho'k rik'in li xchaab'il k'anjel.

Proverbios 14:14 ပူးပေါင်းရင်းမြစ်များ

Gálatas 6:8

Joꞌcan ajcuiꞌ saꞌ li kayuꞌam. Li ani naxba̱nu li incꞌaꞌ us li naxrahi ru xba̱nunquil xjunes rib, li jun aꞌan ta̱sachk. Abanan li ani naxba̱nu li cꞌaꞌru naraj li Santil Musikꞌej, li jun aꞌan ta̱cua̱nk xyuꞌam chi junelic.

Proverbios 12:14

Li junju̱nk tixcꞌul xkꞌajca̱munquil aꞌ yal chanru lix yehom xba̱nuhom. Ut tixcꞌul lix tojbal aꞌ yal chanru lix naꞌleb.

Hebreos 3:12

Ex herma̱n, cheqꞌuehak retal nak ma̱ jun taxak saꞌ e̱ya̱nk incꞌaꞌ tixpa̱b li Dios xma̱c lix ma̱usilal. Ma̱re anchal tixtzꞌekta̱na li yoꞌyo̱quil Dios.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Gálatas 6:4

Li junju̱nk chixqꞌuehak retal li cꞌaꞌru naxba̱nu. Cui us li naxba̱nu, chisahokꞌ xchꞌo̱l riqꞌuin li cꞌaꞌru naxba̱nu ut incꞌaꞌ ta̱cꞌoxlak chirix li naxba̱nu li jun chic.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Jeremías 17:5

Li Ka̱cuaꞌ quixye: —Tzꞌekta̱nanbil li ani naxcanab inlokꞌoninquil ut naxcꞌojob xchꞌo̱l saꞌ xbe̱n junak yal cui̱nk ut naxsicꞌ xtenkꞌanquil riqꞌuin.

Proverbios 14:10

Li junju̱nk naxnau li rahil chꞌo̱lej li cuan saꞌ xchꞌo̱l. Ut ma̱ ani ta̱tzꞌako̱nk riqꞌuin xsahil xchꞌo̱l li ani sa saꞌ xchꞌo̱l.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

Oseas 4:16

La̱ex laj Israel, kꞌaxal cau e̱chꞌo̱l. Chanchanex li joskꞌ aj cuacax. ¿Chan ta cuiꞌ ru nak texinberesi saꞌ cha̱bilal joꞌ nak naxberesi lix carner li cha̱bil pastor?

Ezequiel 22:31

Joꞌcan nak la̱in tincuisi lin joskꞌil saꞌ xbe̱neb. Chanchanakin li xam nak tinsach ruheb. Aꞌaneb ajcuiꞌ teꞌtojok re li ma̱usilal xeꞌxba̱nu. La̱in li nimajcual Dios ninyehoc re aꞌin.—

Salmos 109:17

Quicuulac chiru xmajecuanquil li ras ri̱tzꞌin. Joꞌcan nak chimajecua̱k ta aꞌan. Incꞌaꞌ quiraj nak teꞌosobtesi̱k li ras ri̱tzꞌin. Joꞌcan nak incꞌaꞌ ta chi-osobtesi̱k aꞌan.

Proverbios 9:12

Cui la̱at cuan a̱naꞌleb, a̱cue ajcuiꞌ li us. Ut cui la̱at aj hobonel, la̱at ajcuiꞌ tatcꞌuluk re li raylal.

Proverbios 12:21

Ma̱ jun chꞌaꞌajquilal teꞌxcꞌul li ti̱queb xchꞌo̱l. Abanan li incꞌaꞌ useb xnaꞌleb ta̱cha̱lk chixjunil li chꞌaꞌajquilal saꞌ xbe̱neb.

Proverbios 14:15

Li incꞌaꞌ naxnau cꞌoxlac naxpa̱b chixjunil li nayeheꞌ re. Abanan li naxnau cꞌoxlac naxqꞌue retal chi us li cꞌaꞌru naxba̱nu.

Proverbios 18:20

Li ani ta̱a̱tinak cha̱bil, cha̱bil ajcuiꞌ tixcꞌul. Li ani incꞌaꞌ us ta̱a̱tinak, incꞌaꞌ ajcuiꞌ us li cꞌaꞌru tixcꞌul.