Proverbios 14:13 - Li Santil hu

¹³ Cuanqueb li nequeꞌseꞌec usta raheb saꞌ xchꞌo̱leb. Ut cuan nak li sahil chꞌo̱lej nasukꞌi chokꞌ rahil chꞌo̱lej chokꞌ reheb.

Q'eqchi Bible

¹³ Wan naq sa' li se'ek namuqmank li rahil ch'oolej; ut li sahil ch'oolej, yaab'ak nokoxraqe'q wi'.

Proverbios 14:13 ပူးပေါင်းရင်းမြစ်များ

Eclesiastés 2:2

Joꞌcan nak quinqꞌue retal nak li seꞌec, aꞌan yal to̱ntil naꞌleb. Ut li sahil chꞌo̱lej saꞌ ruchichꞌochꞌ ma̱cꞌaꞌ na-oc cuiꞌ.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

San Lucas 16:25

Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Proverbios 5:4

Li ani ta̱tꞌanekꞌ saꞌ rukꞌ li ixk aꞌan ta̱recꞌa xcꞌahil li raylal li tixcꞌul mokon. Chanchan xcꞌahil li bakcheꞌ. Ut chanchan xkꞌesnal li chꞌi̱chꞌ li caꞌ pacꞌal xkꞌesnal.

Eclesiastés 2:1

Ut quinye cuiꞌchic saꞌ inchꞌo̱l: —Tinyal xba̱nunquil li cꞌaꞌak re ru re ta̱sahokꞌ saꞌ inchꞌo̱l ut tincua̱nk chi ma̱cꞌaꞌ tincꞌoxla, chanquin. Abanan xinqꞌue ajcuiꞌ retal nak aꞌan ma̱cꞌaꞌ na-oc cuiꞌ.