Proverbios 14:11 - Li Santil hu

¹¹ Eb li incꞌaꞌ useb xnaꞌleb teꞌsachekꞌ ru lix jun cablaleb. Abanan lix jun cablaleb li cha̱bileb, us ta̱e̱lk.

Q'eqchi Bible

¹¹ Li xjunkab'al li ink'a' us xna'leb' taajuk'manq; a'ut li xjunkab'al li chaab'il xch'ool taak'ihanq.

Proverbios 14:11 ပူးပေါင်းရင်းမြစ်များ

Proverbios 3:33

Li Ka̱cuaꞌ naxqꞌue raylal saꞌ xbe̱neb lix jun cablal li nequeꞌxba̱nu ma̱usilal. Ut narosobtesiheb lix jun cablal li ti̱queb xchꞌo̱l.

Proverbios 12:7

Eb li incꞌaꞌ useb xnaꞌleb teꞌsachekꞌ ruheb ut teꞌosokꞌ chi junaj cua. Abanan eb li ti̱queb xchꞌo̱l cua̱nkeb chi junelic, joꞌ eb ajcuiꞌ li ralal xcꞌajol.

Zacarías 5:4

Li cuanqueb saꞌ rochocheb li nequeꞌelkꞌac teꞌxcꞌul li tojba ma̱c joꞌqueb ajcuiꞌ li cuanqueb saꞌ rochocheb li nequeꞌxpatzꞌ incꞌabaꞌ chi ma̱cꞌaꞌ rajbal. Aran ta̱cua̱nk li raylal toj retal teꞌosokꞌ eb aꞌan ut teꞌosokꞌ ajcuiꞌ li rochocheb joꞌ ajcuiꞌ chixjunil li cꞌaꞌru cuan reheb, chan li Ka̱cuaꞌ.

Proverbios 21:12

Li Dios, aꞌan ti̱c xchꞌo̱l ut naxnau cꞌaꞌru yo̱ chi cꞌulma̱nc saꞌ rochocheb li incꞌaꞌ useb xnaꞌleb. Joꞌcan nak naxcanabeb chi osocꞌ.

Li xHu LAJ JOB 21:28

Ninnau nak nequeye chi ribil e̱rib, “¿Cꞌaꞌru xcꞌul li rochoch li cui̱nk aꞌan? Ut, ¿cꞌaꞌru xcꞌul li cui̱nk aꞌan, li incꞌaꞌ us xnaꞌleb?” chanquex.

Proverbios 21:20

Li ani cuan xnaꞌleb cuan xbiomal saꞌ li rochoch ut cuan ajcuiꞌ li sununquil ban. Abanan, li ma̱cꞌaꞌ xnaꞌleb yal naxsach lix tumin chi ma̱cꞌaꞌ rajbal.

Proverbios 11:28

Li ani naxcꞌojob xchꞌo̱l saꞌ xbe̱n lix biomal ta̱osokꞌ joꞌ nak na-osoꞌ li chaki kꞌe̱n. Abanan li ti̱queb xchꞌo̱l cha̱bil cua̱nkeb. Chanchanakeb jun to̱n li cheꞌ rax rax ru.

Li xHu LAJ JOB 8:15

Nak teꞌraj xchapbal ribeb riqꞌuin lix quem aj am, moco tixcuy ta xban nak moco cau ta.

Salmos 128:3

La̱ cuixakil ta̱cua̱nk nabal xcocꞌal. Chanchan nak nau̱chin li uvas aubil chire la̱ cuochoch. Eb la̱ cualal a̱cꞌajol chanchanakeb li cha̱bil cheꞌ olivo li cuan saꞌ xnaꞌaj la̱ cuacui̱mk.

Li xHu LAJ JOB 18:21

Joꞌcaꞌin nak na-osoꞌ lix yuꞌameb li incꞌaꞌ useb xnaꞌleb, eb li nequeꞌtzꞌekta̱nan re li Dios, chan laj Bildad.

Li xHu LAJ JOB 15:34

Eb li incꞌaꞌ useb xnaꞌleb incꞌaꞌ teꞌcua̱nk ralal xcꞌajol. Ta̱cꞌatekꞌ chixjunil li cꞌaꞌru cuan reheb xban nak yal elkꞌanbil.

Li xHu LAJ JOB 8:6

Cui la̱at ti̱c a̱chꞌo̱l chiru, aꞌan tatxtenkꞌa ut tixqꞌue cuiꞌchic chi cua̱nc cꞌaꞌru a̱cue.

Proverbios 15:25

Li Ka̱cuaꞌ naxsach ru lix jun cablaleb li nequeꞌxkꞌetkꞌeti ribeb. Ut naxcol rix li cꞌaꞌru cuan reheb li xma̱lcaꞌan.

Li xHu LAJ JOB 8:22

Aꞌut eb li xicꞌ nequeꞌiloc a̱cue xuta̱nal teꞌe̱lk. Ut li rochocheb li incꞌaꞌ useb xnaꞌleb ta̱sachekꞌ, chan laj Bildad.

Salmos 37:10

Chi se̱b ma̱cꞌaꞌakeb chic li incꞌaꞌ useb xnaꞌleb. Usta tatxic chixsicꞌbaleb saꞌ lix naꞌajeb, incꞌaꞌ chic ta̱tauheb.