Proverbios 13:8 - Li Santil hu

⁸ Cuanqueb li cristian naru nequeꞌxcol rix lix yuꞌameb riqꞌuin lix biomal. Abanan eb li nebaꞌ ma̱cꞌaꞌ nachꞌiꞌchꞌiꞌin reheb.

Q'eqchi Bible

⁸ Wankeb' li neke'xkol rix li xyu'ameb' rik'in li b'ihomal; ab'an eb' li neb'a' maak'a' nach'i'ch'i'ink reheb'.

Proverbios 13:8 ပူးပေါင်းရင်းမြစ်များ

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

Li xHu LAJ JOB 2:4

Abanan laj tza quixye re li Dios: —Cui ma̱cꞌaꞌ naxcꞌul lix tibel li cui̱nk, ma̱cꞌaꞌ naxye, usta naxqꞌue chi tzꞌekecꞌ li cꞌaꞌru cuan re xban xcolbal rix lix yuꞌam.

Sofonías 3:12

Li joꞌ qꞌuialeb li cha̱bil xnaꞌlebeb ut li tu̱laneb saꞌ li tenamit, aꞌaneb li teꞌcana̱k. Ut cauhakeb xchꞌo̱l cuiqꞌuin.

Jeremías 41:8

Abanan laje̱b li cui̱nk xcomoneb li ca̱cꞌa̱l chi cui̱nk, queꞌxye re laj Ismael: —Moa̱camsi la̱o. Cuan li trigo, li cebada, li aceite ut li xyaꞌal cab mukmu kaban saꞌ cꞌaleba̱l, chanqueb. Ut xban aꞌan nak laj Ismael incꞌaꞌ quixcamsiheb.

Jeremías 39:10

Abanan, laj Nabuzaradán, li nataklan, quixcanab saꞌ li naꞌajej Judá eb li nebaꞌ, li ma̱cꞌaꞌ cuan reheb. Ut quixqꞌue reheb lix chꞌochꞌeb ut li racui̱mkeb uvas.

Proverbios 6:35

Incꞌaꞌ ta̱cꞌojla̱k xchꞌo̱l usta li cui̱nk li cuan xma̱c ta̱raj tixyi̱b ru li chꞌaꞌajquilal. Chi moco ta̱cꞌojla̱k xchꞌo̱l cui ta̱sihi̱k nabalak cꞌaꞌru re.

2 Reyes 25:12

Caꞌaj cuiꞌ li nebaꞌeb quixcanabeb re nak teꞌxcꞌanjela li chꞌochꞌ ut teꞌxrakꞌi li uvas.

2 Reyes 24:14

Li rey Nabucodonosor quixcꞌameb chi pre̱xil chixjunileb li queꞌcuan Jerusalén. Quixcꞌameb li soldado joꞌ eb ajcuiꞌ li nequeꞌtaklan saꞌ xbe̱neb. Quixcꞌam chixjunileb li nequeꞌxnau cꞌanjelac chi cha̱bil, joꞌ eb ajcuiꞌ laj tenol chꞌi̱chꞌ. Laje̱b mil chixjunileb li cristian li quixcꞌam Babilonia. Caꞌaj chic eb li nebaꞌeb queꞌcana Jerusalén.

Éxodo 21:30

Cui laj rakol a̱tin tixye nak naru tixtoj re nak incꞌaꞌ ta̱camsi̱k, tento nak tixtoj li joꞌ nimal ta̱patzꞌekꞌ re, re xcolbal rix lix yuꞌam.

Proverbios 13:7

Cuanqueb li cristian nacꞌutun nak biomeb, usta ma̱cꞌaꞌ cuan reheb. Ut cuanqueb ajcuiꞌ li cristian nacꞌutun nak nebaꞌeb usta biomeb.

Proverbios 13:9

Li ti̱queb xchꞌo̱l cuanqueb xyuꞌam chi junelic. Chanchan li saken. Abanan eb li incꞌaꞌ useb xnaꞌleb incꞌaꞌ teꞌcua̱nk xyuꞌam. Teꞌsachekꞌ ban. Chanchan nak nachup lix xameb.

Proverbios 14:24

Lix lokꞌaleb li se̱beb xchꞌo̱l, aꞌan lix naꞌlebeb. Ut eb li ma̱cꞌaꞌeb xnaꞌleb, naꞌno̱queb ru xban lix to̱ntileb.

San Lucas 12:23

Li kayuꞌam, aꞌan kꞌaxal lokꞌ chiru li katzacae̱mk. Ut li katibel, aꞌan kꞌaxal lokꞌ chiru li kakꞌ.