Proverbios 13:7 - Li Santil hu

⁷ Cuanqueb li cristian nacꞌutun nak biomeb, usta ma̱cꞌaꞌ cuan reheb. Ut cuanqueb ajcuiꞌ li cristian nacꞌutun nak nebaꞌeb usta biomeb.

Q'eqchi Bible

⁷ Wankeb' neke'yehok naq b'ihomeb', ut maak'a' nayo'laak reheb'; ut wankeb' chik neke'yehok naq neb'a'eb', ut maak'a' namajelo'k reheb'.

Proverbios 13:7 ပူးပေါင်းရင်းမြစ်များ

Apocalipsis 3:17

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

Proverbios 12:9

Kꞌaxal us nak tocꞌanjelak re nak cua̱nk cꞌaꞌru ke usta totzꞌekta̱na̱k, chiru nak takanimobresi kib ut ma̱cꞌaꞌak katzacae̱mk.

Proverbios 11:24

Cuanqueb cristian nequeꞌsihin ut kꞌaxal cuiꞌchic nabal li nequeꞌxcꞌul. Ut cuanqueb ajcuiꞌ li cristian caꞌchꞌin ajcuiꞌ nequeꞌsihin ut nequeꞌcana saꞌ nebaꞌil xban nak caꞌchꞌin ajcuiꞌ nequeꞌxsi.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.

2 Corintios 4:7

La̱o chanchano li chꞌochꞌ ucꞌal li naxocman cuiꞌ li terto xtzꞌak. La̱o yal tzꞌejcualo. Abanan li Dios naxcutanobresi li kacꞌaꞌux re nak ta̱cꞌutu̱nk nak lix nimajcual cuanquilal li Dios li cuan kiqꞌuin, moco ke ta. Re ban li Dios.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

San Lucas 12:21

La̱in ninye e̱re: joꞌcaꞌin naxcꞌul li naxcꞌu̱la xbiomal saꞌ ruchichꞌochꞌ ut riqꞌuin li Dios ma̱cꞌaꞌ xbiomal, chan li Jesús.

Proverbios 13:11

Li ani cuan xbiomal chi incꞌaꞌ xcꞌanjelac saꞌ junpa̱t ta̱osokꞌ chiru. Abanan li ani cau nacꞌanjelac naxchꞌutub chi caꞌchꞌinkil lix tumin toj retal nabiomoꞌ.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

1 Corintios 4:8

Ac xcꞌojla e̱chꞌo̱l xban nak saꞌ e̱chꞌo̱l la̱ex nak ac xetau e̱naꞌleb. Chanchanex li biom saꞌ le̱ pa̱ba̱l nak nequecꞌoxla. ¿Ma la̱ex chic rey nak nequecꞌoxla? Saꞌ e̱chꞌo̱l la̱ex nak ma̱cꞌaꞌ kacuanquil. Us raj ac ta cuan xetau e̱naꞌaj chokꞌ rey, re nak tocua̱nk ajcuiꞌ raj la̱o chi takla̱nc e̱rochben.

San Lucas 12:33

Cꞌayihomak li cꞌaꞌru cuan e̱re ut sihomak reheb li ma̱cꞌaꞌ cuan reheb re nak cua̱nk e̱biomal saꞌ choxa. Aran incꞌaꞌ na-oc laj e̱lkꞌ chi elkꞌac chi moco namaxen. Qꞌuehomak e̱chꞌo̱l chirix li biomal li incꞌaꞌ na-osoꞌ.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

Proverbios 13:8

Cuanqueb li cristian naru nequeꞌxcol rix lix yuꞌameb riqꞌuin lix biomal. Abanan eb li nebaꞌ ma̱cꞌaꞌ nachꞌiꞌchꞌiꞌin reheb.