Proverbios 13:22 - Li Santil hu

²² Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

Q'eqchi Bible

²² Li winq chaab'il naxkanab' x'erens eb' li ralal xk'ajol; a'ut li xb'ihomal laj maak a' chik li tiik xch'ool taa'eechaninq re.

Proverbios 13:22 ပူးပေါင်းရင်းမြစ်များ

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

Proverbios 28:8

Li ani yo̱ chixtu̱banquil lix biomal riqꞌuin xpatzꞌbal nabal ral li tumin, li biomal li naxchꞌutub aꞌan ta̱cana̱k chokꞌ reheb li nequeꞌiloc xtokꞌoba̱l ruheb li nebaꞌ.

Salmos 37:25

Saꞌ insa̱jilal ut chalen anakcuan saꞌ inti̱xilal ma̱ jun sut cuilom ut ma̱ jun sut cuabiom nak li ti̱queb xchꞌo̱l tzꞌekta̱nanbileb ta xban li Ka̱cuaꞌ. Ut ma̱ jun sut cuilom nak li ralal xcꞌajoleb li ti̱queb xchꞌo̱l yo̱queb ta xtzꞌa̱manquil xcuaheb yalak bar.

Salmos 112:2

Eb li ralal xcꞌajol li ti̱queb xchꞌo̱l teꞌqꞌuehekꞌ xcuanquil saꞌ ruchichꞌochꞌ ut osobtesinbilakeb.

Esdras 9:12

La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

Salmos 128:6

Ut toj ta̱cuileb ta nak teꞌcua̱nk la̱ cui. Ut chicua̱nk taxak li tuktu̱quil usilal riqꞌuineb laj Israel.

Salmos 102:28

Joꞌcan ajcuiꞌ li kalal kacꞌajol la̱o laj cꞌanjel cha̱cuu. Teꞌcua̱nk junelic xban nak la̱at tat-ilok reheb. La̱at tatcolok reheb ut tatcua̱nk riqꞌuineb, chanquin re li Dios.

Proverbios 17:6

Lix lokꞌaleb li ac ti̱xeb, aꞌaneb li ri. Ut lix lokꞌaleb li alalbej cꞌajolbej, aꞌaneb lix naꞌ xyucuaꞌeb.