Proverbios 13:20 - Li Santil hu

²⁰ Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

Q'eqchi Bible

²⁰ Li narochb'eeniheb' li chaab'ileb' xna'leb', tixtaw xna'leb'; ab'an li nawank rik'ineb' li jip, taasachq chi junwaakaj.

Proverbios 13:20 ပူးပေါင်းရင်းမြစ်များ

Proverbios 15:31

Li ani narabi lix kꞌusbal cha̱bil ta̱cua̱nk. Ut ta̱cua̱nk xnaꞌaj saꞌ xya̱nkeb li cuanqueb xnaꞌleb.

Proverbios 9:6

Chetauhak le̱ naꞌleb ut chesicꞌak li us. Canabomak li to̱ntil naꞌleb re nak cua̱nk e̱yuꞌam, chanquex.

Apocalipsis 18:4

Ut quicuabi jun chic yo̱ chak chi a̱tinac saꞌ choxa ut quixye: Ex ralal xcꞌajol li Dios, elenkex saꞌ li tenamit aꞌan re nak incꞌaꞌ textzꞌako̱nk riqꞌuin lix ma̱queb ut re nak incꞌaꞌ textzꞌako̱nk riqꞌuin li raylal li teꞌxcꞌul.

Salmos 119:63

La̱in xcomoneb li nequeꞌxucuan a̱cuu ut li nequeꞌxba̱nu li cꞌaꞌru naxye la̱ chakꞌrab.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

Malaquías 3:16

Abanan eb li nequeꞌxxucua ru li Ka̱cuaꞌ queꞌxjultica chi ribileb rib li rusilal li Dios. Ut li Ka̱cuaꞌ quirabi ut quixqꞌue retal li cꞌaꞌru queꞌxye. Ut chiru li Ka̱cuaꞌ quitzꞌi̱ba̱c saꞌ jun li hu lix cꞌabaꞌeb li nequeꞌxucuan ru ut nequeꞌqꞌuehoc xlokꞌal li Ka̱cuaꞌ.

Hechos 2:42

Cauheb xchꞌo̱l chixpa̱banquil li tijleb li quichꞌoloba̱c chiruheb xbaneb li apóstol. Junaj xchꞌo̱leb nak cuanqueb ut saꞌ comonil queꞌtijoc ut queꞌcuaꞌac re xjulticanquil lix camic li Jesucristo.

1 Reyes 12:8

Abanan laj Roboam incꞌaꞌ quixba̱nu li cꞌaꞌru quiyeheꞌ re xbaneb li che̱quel cui̱nk. Co̱ ban riqꞌuineb li sa̱j cui̱nk li xeꞌqꞌui rochben, li nequeꞌcꞌanjelac chiru.

Proverbios 7:27

Li rochoch li ixk aꞌan, chanchan lix naꞌajeb li camenak. Cui la̱ex texxic aran, chanchan yo̱quex chi xic saꞌ xbehil li ca̱mc.

1 Reyes 12:10

Eb li sa̱j cui̱nk li queꞌqꞌui rochben queꞌxye re laj Roboam: —Joꞌcaꞌin ta̱sumeheb cuiꞌ li tenamit li yo̱queb chixtzꞌa̱manquil cha̱cuu nak incꞌaꞌ cau tattakla̱nk saꞌ xbe̱neb. La̱at ta̱ye reheb, “Cui lin yucuaꞌ cau xtaklan saꞌ e̱be̱n, la̱in kꞌaxal cuiꞌchic cau tintakla̱nk saꞌ e̱be̱n.

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

Génesis 14:12

Laj Lot, li ralal li ri̱tzꞌin laj Abram, cuan saꞌ li tenamit Sodoma. Xban nak cuan aran, laj Lot quichapeꞌ xbaneb li queꞌnumta saꞌ xbe̱neb li tenamit. Queꞌxcꞌam ajcuiꞌ chixjunil li cꞌaꞌru cuan re laj Lot.

1 Reyes 22:4

Quixpatzꞌ re laj Josafat: —¿Ma tina̱tenkꞌa chi pletic riqꞌuineb li cuanqueb Ramot, xcue̱nt Galaad? chan. Ut laj Josafat quixye re: —La̱in ut eb lin soldado texkatenkꞌa. Lin soldado ut eb lin cacua̱y teꞌxic che̱tenkꞌanquil chi pletic.

1 Reyes 22:32

Nak queꞌril li rey Josafat, queꞌxcꞌoxla nak aꞌan laj Acab. Ut queꞌco̱eb chixcamsinquil. Abanan laj Josafat quixjap re.

2 Crónicas 10:8

Abanan laj Roboam quixtzꞌekta̱na li naꞌleb li quiyeheꞌ re xbaneb li che̱quel cui̱nk. Co̱ ban riqꞌuineb li sa̱j cui̱nk li xeꞌqꞌui rochben, li nequeꞌcꞌanjelac chiru.

2 Crónicas 22:4

Laj Ocozías quixba̱nu li incꞌaꞌ us chiru li Ka̱cuaꞌ joꞌ queꞌxba̱nu li ralal xcꞌajol laj Acab xban nak aꞌaneb chic queꞌqꞌuehoc xnaꞌleb chixba̱nunquil li incꞌaꞌ us nak ac xcam lix yucuaꞌ. Joꞌcan nak xjunes tixsach rib xjunes.

Proverbios 13:19

Eb li us nequeꞌel riqꞌuin li cꞌaꞌru nequeꞌxcꞌoxla xba̱nunquil nasahoꞌ saꞌ xchꞌo̱leb. Abanan eb li ma̱cꞌaꞌeb xnaꞌleb incꞌaꞌ nequeꞌxcuy cua̱nc chi incꞌaꞌ teꞌxba̱nu li ma̱usilal.

Proverbios 14:7

Isihomak e̱rib riqꞌuineb li ma̱cꞌaꞌeb xnaꞌleb xban nak riqꞌuineb aꞌan incꞌaꞌ te̱tau li cha̱bil naꞌleb.

Proverbios 22:24

Li xcab li naꞌleb, aꞌan aꞌin: Incꞌaꞌ te̱cꞌam e̱rib saꞌ amiguil riqꞌuineb laj ple̱t, chi moco te̱cꞌam e̱rib riqꞌuineb li chꞌinpoꞌeb.

Proverbios 22:25

Ma̱re te̱tzol e̱re lix naꞌlebeb aꞌan ut incꞌaꞌ chic usak le̱ naꞌleb.