Proverbios 13:2 - Li Santil hu

² Eb li cha̱bileb xnaꞌleb usilal teꞌxcꞌul xban li us nequeꞌxye. Abanan eb li incꞌaꞌ useb xnaꞌleb teꞌraj ru xba̱nunquil li ma̱usilal.

Q'eqchi Bible

² Li junjunq tixk'ul xq'ajkamunkil xb'aan li xyehom; a'ut eb' laj b'alaq' nasemsotk xch'ooleb' chirix li raaxiik'.

Proverbios 13:2 ပူးပေါင်းရင်းမြစ်များ

Proverbios 12:14

Li junju̱nk tixcꞌul xkꞌajca̱munquil aꞌ yal chanru lix yehom xba̱nuhom. Ut tixcꞌul lix tojbal aꞌ yal chanru lix naꞌleb.

Proverbios 18:20

Li ani ta̱a̱tinak cha̱bil, cha̱bil ajcuiꞌ tixcꞌul. Li ani incꞌaꞌ us ta̱a̱tinak, incꞌaꞌ ajcuiꞌ us li cꞌaꞌru tixcꞌul.

Proverbios 10:11

Li a̱tin li naxye li ti̱c xchꞌo̱l, aꞌan natenkꞌan re li junju̱nk chixtaubal li cha̱bil yuꞌam. Abanan li incꞌaꞌ useb xnaꞌleb mem teꞌcana̱k nak ta̱cha̱lk li raylal saꞌ xbe̱neb.

Proverbios 1:31

Joꞌcan nak anakcuan cꞌulumak chixjunil li raylal xchal saꞌ e̱be̱n xban li ma̱usilal xeba̱nu toj retal textitzꞌk riqꞌuin li cꞌaꞌak re ru incꞌaꞌ us xeba̱nu.

Salmos 140:11

Incꞌaꞌ ta najt teꞌcua̱nk saꞌ ruchichꞌochꞌ li nequeꞌyoꞌoban a̱tin. Aꞌ ta li raylal li nequeꞌxba̱nu chisachok ruheb li nequeꞌxrahobtesi ras ri̱tzꞌin.

Proverbios 4:17

Li ma̱usilal li nequeꞌxba̱nu chanchan chic lix cua rucꞌaheb.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Habacuc 2:17

Li ma̱usilal li xeba̱nu reheb li cuanqueb saꞌ li naꞌajej Líbano ta̱sukꞌi̱k saꞌ e̱be̱n la̱ex, joꞌ ajcuiꞌ li raylal xeba̱nu nak xesacheb li xul li cuanqueb aran. Aꞌan ta̱tꞌanekꞌ saꞌ e̱be̱n la̱ex xban nak nabaleb li cristian xecamsi ut nabal li naꞌajej xerelkꞌa. Xepoꞌi li tenamit joꞌ ajcuiꞌ chixjunileb li cuanqueb aran.

Habacuc 2:8

Joꞌ nak xemakꞌ la̱ex li cꞌaꞌru eb re li nabal chi tenamit, joꞌcan ajcuiꞌ nak teꞌxmakꞌ che̱ru li cꞌaꞌru e̱re la̱ex, xban nak nabaleb li cristian xecamsi ut xban nak nabal li naꞌajej xerelkꞌa, joꞌ eb li tenamit ut joꞌ ajcuiꞌ chixjunileb li cuanqueb aran.

Salmos 75:8

Ta̱cuulak xkꞌehil nak li Dios ta̱rakok a̱tin saꞌ xbe̱neb li incꞌaꞌ useb xnaꞌleb. Chanchan nak cuan jun secꞌ li cꞌahil vino saꞌ rukꞌ ut tixhoy ut teꞌrucꞌ toj retal teꞌxchoy. Joꞌcan tixba̱nu li Dios nak ta̱rakok a̱tin saꞌ xbe̱neb toj retal teꞌrecꞌa xrahil li tojba ma̱c li tixqꞌue saꞌ xbe̱neb.

Proverbios 1:18

Eb li cui̱nk aꞌan nequeꞌxyi̱b li raꞌal re ta̱tꞌanekꞌ jalan. Abanan aꞌaneb ajcuiꞌ nequeꞌtꞌaneꞌ chi saꞌ. Incꞌaꞌ nequeꞌxqꞌue retal nak nequeꞌxqꞌue rib saꞌ chꞌaꞌajquilal.

Proverbios 18:21

Li ani cha̱bil naa̱tinac, cua̱nk xyuꞌam. Ut li ani incꞌaꞌ us ta̱a̱tinak tixbok li ca̱mc saꞌ xbe̱n. Li ani nequeꞌcuulac chiru a̱tinac chi nabal, teꞌxcꞌul lix tojbal rix.

Oseas 10:13

Abanan la̱ex incꞌaꞌ xexcuan saꞌ ti̱quilal. Xeba̱nu li ma̱usilal ut kꞌaxal ra te̱cꞌul xban li ticꞌtiꞌic. Li cꞌaꞌru xerau, aꞌan ajcuiꞌ li xekꞌol. Incꞌaꞌ cꞌojcꞌo e̱chꞌo̱l cuiqꞌuin. Cꞌojcꞌo ban e̱chꞌo̱l xban nak kꞌaxal nabaleb le̱ soldado.

Proverbios 11:23

Li ti̱queb xchꞌo̱l junes li us nequeꞌraj xba̱nunquil. Abanan li cꞌaꞌru nequeꞌroybeni li incꞌaꞌ useb xnaꞌleb, aꞌan lix joskꞌil li Dios.